[بعيد الشوح]

اقتباس من مشاركة الاعشي صح ابدنك يالمكلماني بعيد الشوح من حمام الدار واعرفه اكثر من عرفي لجبل ظلم هههههههه

هههههههههههه انت ماتشوف زين اعشى ههههههه

اقول امسك الصف ابو شرق علمه علم

[مصفي المرح]

سلام عليكم وبصف .. ابوشرق

[بعيد الشوح]

اقتباس من مشاركة مصفي المرح سلام عليكم وبصف .. ابوشرق

حيا الله مصفي المرح وايش ابركها من ساعه حضورك

[ابو شرق]

اقتباس من مشاركة بعيد الشوح يابو شرق المواقف تنطر المقدام = مأنت منصور يوم انك تحاميها دار الأشراف ماهي الأندلس يازلام = مابغينا على شانك نمشيها

لاحضرنا المواقف نقهر الاخصام =والعرب في فعايلها نجازيها
يازلمة يازلمة لن كان طيرك حام= ياقع بساعة ن هذي حراويها

[ابو شرق]

اقتباس من مشاركة مصفي المرح سلام عليكم وبصف .. ابوشرق

عليك السلام

والله لترتاح انت عود لاتمسك الصف ارتح وشجع من بعيد

[بعيد الشوح]

اقتباس من مشاركة ابو شرق لاحضرنا المواقف نقهر الاخصام =والعرب في فعايلها نجازيها يازلمة يازلمة لن كان طيرك حام= ياقع بساعة ن هذي حراويها

لاتجرا بهرجك ريشة الرساّم = يرسمون الخريطه وانت تطويها
جيت في ثوب غير اللي عليك العام = وش تبي في هدوماً مأنت راعيها

[ابو شرق]

اقتباس من مشاركة بعيد الشوح لاتجرا بهرجك ريشة الرساّم = يرسمون الخريطه وانت تطويها جيت في ثوب غير اللي عليك العام = وش تبي في هدوماً مأنت راعيها

من يصدقك وانت مزور الارقام=لك سوايا محد يقدر يسويها
يالسنافي تراني ديني الاسلام= سنة المصطفى ماني مخليها

[بعيد الشوح]

اقتباس من مشاركة ابو شرق من يصدقك وانت مزور الارقام=لك سوايا محد يقدر يسويها يالسنافي تراني ديني الاسلام= سنة المصطفى ماني مخليها

انت عايش على تركيبة الأوهام = لامع القافله ولأ تباريها
بان علمك بشرقك والسلام اختام = مير بنتك لاشوفك تنتخي فيها

وبيض الله وجهك يابو شرق وصح لسانك وتشرفت باللعب مع شاعر بقامتك

وتصبحون على خير

واشكر الجميع على الحضور والموازرة