[مرزوق العجوني]

لانامت عيونك تنام الشوارع=وتغفى المدينه والقرى والعصافير
ونبضات قلبي قبل تغفى تسارع=بتلحق عشان تقول تصبح على خير

[مرزوق العجوني]

نسمه صباح وشعر وعيون نعسانه=يسعد صباح الشعر في محجر عيونك
النور تو اشرقت من وجهك الوانه=من بعد مالارض كانت عتمه بدونك

[مرزوق العجوني]

اتعبتني عيوني قد ماهي بصيره=واتعبتها يديني قد ماهي جفول
قلت خيره ولكن وينها وين خيره=لا عيوني تكف ولايديني تنول

[مرزوق العجوني]

من "غـبت" عنّي مابقى شيّ منّي
......كلّ [ الأماكن ] في غيابك غريبه

كنّك " ضما " وأنا من الفَقد كنّي
......ليلً جفاه الضيّ وأعلن ( مغيبه )

[مرزوق العجوني]

تبي الحقيقه .. وهي جل الكلام الصريح
.....................بعض الاماني انا ماكنت مختارها !!

[مرزوق العجوني]

مايسمعك من بغا مايسمعك لو تصيح
.....................كم لي وانا مهمل دروبي وخطارها

[مرزوق العجوني]

يا من غلاك مذوب مهجتي فيك=أسمك على جدران صدري نحته

أسهى و أحس إنك تنادي و ألبيك=يا ويل حالي جبت عيدي و بحته

أنَا دخيل عيونك السود يكفيك=ذبحت قلبي من غلاك و فضحته

[مرزوق العجوني]

امن العدم لو اتوسد يميني=في ذمتي ماهين نفسي لمخلوق
وكرامه منها تعدى يديني=والله مااحضاها ولا ذوقها ذوق
ووالله ماجي واحد مايبيني=لو كان يلحقني من الوقت لاحوق
ولاني ورى غرات ربعي دويني=وادخل على الله ماعرف الغدر والبوق
واللي اليامني زهمته يجيني=باسوق نفس لابدا لازمه سوق
لو الحجاز ونجد بينه وبيني=الا عنه يمنعني الموت والعوق