[بندرأبن طريف المظيبري]

الضيقه اللي تمر احيـان وتعـدي =مرت على البال هالمـره ولاعـدت
ثارت غضب في خفاي وبيحت سدي=طلبتهـا تبتعـد عـنـي ولا ردت
وصديت عنها و لكن مانفع صـدي=شبت بروحي لهيب النار وامتـدت
بين الحنايا وصبري ماوصل حـدي=الله ياقو باسـي كـل مـا اشتـدت
ماقول سود الليالي وقفـتّ ضـدي=اقول صافي نوايا بيضهـا اسـودت
بوجيـه وديتهــــا ولا نـفـع ودي=معها المشاريــــه لا جابـت ولا ودت
وانا ورثت الوفاء والجود من جدي=اجود وابني وفاء للجـود لاهـدت
واللى تحدى زماني جيـت متحـدي =ماتنثني هامتي لـو ضيقتـه ردت
ياضيقة البال عدي خاطري عـدي =دام المشاريـه ماجابـت ولا ودت


تحياتي لكم أحبائي

هرم عبس

[رسام الغروب]

صح السانك وسلمت يداك على النقل واختيارك الرائع لاهنت هرم عبس الله يعطيك العافيه

[بندرأبن طريف المظيبري]

اقتباس من مشاركة رسام الغروب صح السانك وسلمت يداك على النقل واختيارك الرائع لاهنت هرم عبس الله يعطيك العافيه

لبا مرورك يا الغلآ.رسام الغروب
ومتابعتك الطيبة
أرحب شرفني تعطيرك الصفحة بمرورك
تحياتي