[مرزوق العجوني]

سيرتني برضاي ما قلـت لـك ويـن=معك على موج الهـوى قلـت يـا الله
وش غير هذا أعطيك يا كامـل الزيـن=روحي فـداك أطلـب وخذهـا تدلـه
مادام شوفـة طلعتـك تكحـل العيـن=وما همني غيرك وش اللـي حصلـه
نسيتنـي الماضـي ونـاس كثيـريـن=وما كن فـوق الارض غيـر إنـت لله

[مرزوق العجوني]

عمرك قضيته يااصدق الناس لناس=والناس هي اصدق سبايب جروحك
اذا بقى في قلبك الصادق احساس=اللي بقى من حب خله لروحك

[مرزوق العجوني]

السما والغيم والما والاماكن=كلها تسال عيوني من خذاك
هو خذاك الوقت عن عيني ولكن=ماقدر ياخذ من ضلوعي غلاك

[مرزوق العجوني]

لا يهمك شيء لو حولي كثار=ما ملك غيرك هواي و مركبي
تدري ليش القلب لك عنده وقار ؟=لأنه فيك أشياء تسبيني سبي
وتدري ليش أحب قربك بـ إختصار=لأنك أنبَل شخص مَر بـكوكبي
وتدري ليش أشوفهم جداً صغار ؟=لأني حيل بعيد عَنْهُم يا غبي

[مرزوق العجوني]

ملفك الشخصي من الناس مزحوم ..!؟
وانا معـا هالناس لك جيت زاير ..!


جيتك وفا والا انت .؟ بالذاكره دوم
والا الغلا تشهد عليه الضمــــاير


النــاس كوم .. وانت ياصاحبي كوم
ياللي لك بموطن خفوقي عماير ..!!

[مرزوق العجوني]

اسامح وادري اني بالجفا مبطي وانا المقصود=وانا اللي لو من اولها جفيتك يمكن اشوالـي


على هونك توقا ماهي بكيفـك نعيـم العـود=تحاسبني وانا اللي راحت ايامي على الخالي


حرام تضيع من عمري ليالي مالهـا مـردود=تعابيـر الشماتـه شفتهـا بوجيـه عـذالـي


انا ماني بعاجز لو بجازيك الصدود صـدود=يضيق المنزل بغيـري ولا غيـرت منزالـي


كريم النفس حتى بالمشاعر لاعطـاك يجـود=على كثر العطايـا مانشدتـك ويـش يبقالـي


تمهل واعرف اللي راح لا يمكن عليك يعـود=خذاه الوقت لاتستنقض المبطي مـع التالـي

[مرزوق العجوني]

والناس لو تفهـم الموضوع ما لامت=صورتك حتى بـ حلو النوم اشاهدها !

[مرزوق العجوني]

توديع الأحباب مثل الموت له سكره
ادمى جروحي وشق الصدر منيّـا



والقلب طير ضلوع الآدمي وكـره
لأشاقـه الطلـع لاسلـم ولاحيّـا



مصير الأحزان تنساني وتفتكـره
ماكل الأيام بيض وسمحـة محيّـا



قل غيرها ماأنت لامجبر ولامكره
لاصار ماهي غلا ماأبي لك حميّـا


لو في يدي شي ماقلت الوعد بكره
حزمت حدب الضلوع وقلت لك هيّا


لو كل غالي يجي دايم على ذكـره
ماصرت اشوفك هناك وحبك هنيّا



ياليتني لابغيت اكره قدرت اكـره
ماكان قلبي ليا جيت اكرهك عيّـا



مادامك معيف رح لكن على فكـره
ماقلت لي ليه دمعـك سـال منيّـا ؟؟