[عبس404]

بسم الله الرحمن الرحيم


نلتقى من جديد في للقاء اعتبره متميز بروعه شاعر

لن اطيل عليكم اترككم مع الشاعر المعزب

واتمنى ان تستمتعوا باللقاء







س1/ هويتك الشخصيه؟

ج1/معزب الضيفان والاسم بعدين=اعلمك ياعبس بيني وبينك
سني صغير ولايتجاوز ثلاثين=اصغر عيالي يابوعابس سنينك


س2/ول مره اكتشفت فيك موهبة الشعر؟

ج2/منذو الصغر عند ما كنت راعي ابل وسألني الوالد رحمة الله عليه قالي وشلون الابل اليوم ياراع الابل قلت
البل يابويه ماهي زينه=عيت تفلي بمفلاها ..قال انت شاعر


س3/هل تاثرت باحد من الشعراء الكبار ؟

ج3/ واجد مثل صقر النصافي عيد مربح ومساعد ربيع وغيرهم


س4/من كان اول مستمع لقصايدك؟

ج4/ الوالد رحمة الله عليه



س 5بيت من الشعر لزلت تردده بينك وبين نفسك؟

ج5/يامل قلباً يسج وفيه دولاجه=من هاجسن بالضماير قام يدرجها
للشاعرابن عون



س6/البرامج الشعريه الحاليه هل تفيد الشعر ام الشعراء وهل هي جيده او اقل من مستوى المطلوب؟

ج6/ اذا فادة الشعر فادة الشعراء و مستواها جيد



س7/هل تعتبر الشعر موهبه متاصله فيك ام هي مجرد هوايه تحبه؟

ج7/الوالد الله يرحمه شاعر يقول
يافاطري طلقة الذرعان=من الوطا صابها خفافي
البارحه من ورى مابان=كد عقبت برد وروافي
تلفي على الشايب الشفقان=اللي لنا يرم الاشوافي.
واعتبر شعري موهبه وراثيه



س8/متى تاتيك حالة الالهام الشعريه او ما هو الوقت المفضل لديك لكتابت القصيده؟

ج8/اذا تعرضت لموقف جميع الاوقات مناسبه.



س9/ما الاماكن التي تحب وتفضل الجلوس فيها عند كتابتك الشعر ولماذا؟

ج9/اي مكان اهم شي الهدف.لكن المكان الخالي اكثر تركيز.



س10/كيف طورت ونميت هذه الموهبة؟

ج10/مخالطة الشعرا في الشبكه وخارجها.



س11/هل ما تكتبه هي حالة تعيشها أو من الخيال ؟

ج11/اكثر شعري حالات اعيشها ولايخلو شاعر من الخيال.



س12/هل تفتخر كونك شاعراً ؟

ج12/لا وضعي طبيعي هههههههههه



س13/هل تتكبر على الآخرين لمتلاكك هذه الموهبة

ج13/كيف اتكبر والله سبحانه وتعالى متوعد المتكبرين.



س14/ين انت من الاعلام هل نشرت اي من قصايدك في مجلات الشعريه وهل ظهرت ببرامج تلفزيونيه؟

ج14/ ضهرت باتلفزيون في بعض المحافل العبسيه .


س14/ما رايك بالمنتديات الخاصة للشعر بالشبكة مثل الشعبي والمحاورة؟

ج14/لاباس فيها لكن المحاورة اكثر حضور.


س15/هل تفضل ميدان النظم ام ميدان المحاوره ولماذا؟

ج15/الاثنين معاً .



جواب عن الكلمات التاليه بابيات شعريه من عندك فقط
0


0من انت
انا ولد صالح خطيب الجماعه=اللي وراه صفوف جمع المصلين.



ماذا يعني لك الحب
الحب مثل الندى بالارض للشجره=لاجف عنها الندى شانت حلاياها.



الوطن
الوطن بيتك وبيتي من يعيش بدون بيت=عان وضع اللآجئين اللي بلا بيت ووطن.



القبيلة
القبيله غرفة النوم الكبيره وسط بيتك=يحترمها اصغر عيال البيت من تقدير اهلها.



الوالدان
لاتنهر الوالدين ولاتقول اوفاً=كلام ربي يكفينا عن الباقي.


الدنيا
لاتغرك الدنيا تراها لها يوم=تلبق على اللي غافلين بعصاها




[overline] [/overline][overline][/overline][overline][/overline]
[overline]

اخر ما كتبت من القصيد لمتابعي الخيمه الشعريه

[/overline]




يابدر لوكنيت بالصدر حاجه=لابد عنها الناس يابدر يدرون

يابدر برقبة البعير انعواجه=لو حاولو يابدر فيها يعدلون

يابدر قل وضاق وقت المواجه=والناي لاقل المطر يستغيثون

ياللي سماكم صحو مثل الزجاجه=ياليتكم صيبة سمانا تلدون
اللي على شمسه تحوم العجاجه=ايضيق اللي عمرهم مايضيقون
زحمة مدن ومعاملات ولجاجه=ومصانعاً تطلق مع الجو كربون
ترعد ومنهاالارض فيها ارتجاجه= وان نامت العالم عليها يزيدون
من شأن كلاً يفتخر في انتاجه=لو هيئة البيئه عليهم يصيحون
يابدر ياراسي وفلة حجاجه=ياكيفي اللي ماهو دله وغليون
ولاهو على ماقيل كيف الخواجه=اللي هله في كل شارع يهيمون
لاوالله انه غير عضمه وعاجه=تركيبتاً عنها الخلايق يعجزون
وكلاً على كيفه يعدل مزاجه=طبع البشر من خلق يابدر هاللون
وانا على ضوءك لقيت اندماجه=افل مسباحي وعده على الهون
ياخذعلى مركاي ضهري مساجه= وقول ياوضحى عذاب بن لعبون

الجرح لامنه توفر علاجه=وش عاد يطمحله بنادم بهالكون

وفي نهاية اللقاء نتمنى ان يعجبكم اللقاء مع الشاعر معزبنا وشكرا لكم

[كاتب الرشيدي]

انا ولد صالح خطيب الجماعه=اللي وراه صفوف جمع المصلين.



ماذا يعني لك الحب
الحب مثل الندى بالارض للشجره=لاجف عنها الندى شانت حلاياها.



الوطن
الوطن بيتك وبيتي من يعيش بدون بيت=عان وضع اللآجئين اللي بلا بيت ووطن.



الله الله عليك يالمعزب

استمتعنا بلقاء شاعرنا الكبير

ونشكر عبس على استقطاب هولاء الشعراء

ولاهنت على الأستضافه

[البعيد الهادي]

لقاء رائع جداَ مع الشاااعر الجزل المعزب
استمتعنا بهذا اللقاء واكتشفنا شخيصة المعزب
صح اللسانك يالمعزب
وبيض الله وجهك ياعبس 404
على جهودك المتواصله
وكل عاام والجيع بخير

وترى الخلفيه اللي باالبنر صور من ولاية كسلا , مصوره من بعيد ..تصميم خاص لك
طال عمرك

[بوتفليقه]

مشكور الله يعافيك يالمعزب لقائك روعه
مشكور ياعبس

[مسندالعويمري]

من الواضح ان المعزب خالي وهذا مابان لي من شطر بيت

القاء ممتع مع شاعر له مكانه بالشعر وبالطيب

شكرا عبس404 مبدع دايم

[ناصر الرشيدي]

انا ولد صالح خطيب الجماعه = اللي وراه صفوف جمع المصلين

والله ومليووون نعم ولا يكفووون

شاعر كبير كنت ابحث عنك قبل ان اعرفك

حيث انني تعبت وانا ابحث عن صاحب المعلقه الشعريه كما يحلو لي تسميتها

يابدر لوكنيت بالصدر حاجه = لابد عنها الناس يابدر يدرون


لو لم تقل من الشعر الا هذي لكفتك

بيض الله وجهك


وشكرا شكرا مليووون يا عبس 404

على هذا اللقاء الرائع

وفقك الله

.

[برق الوسم]

انا ولد صالح خطيب الجماعه = اللي وراه صفوف جمع المصلين

والله ومليوون نعم ..
لقاء مميز مع شاعر عملاق ..
وانا صراحه فخور ومن اشد المعجبين بشعر واخلاق هذا الشاعر ..
اتمنى له كل التوفيق ...
عبس 404 تسلم على هذا اللقاء الرائع .. لاهنت اخوي ..

[عيسى محمد]

عبس عافاك الرحمن
ومشكور اخوي المعزب على الاجابات القيمه