[ابو عوجه]

ياعبد الباري كلمني جميع ارقام الاصحاب اللي مثل شرواك انمسحت
من الجوال

[الشاامخ]

اقتباس من مشاركة ابو عوجه الشامخ اللي على كل البشر شامخ=طيبه كساني ولادري ويش السويبه عزالله اني من علوم البشر دايخ=ومصادر الصدق فيها الشك والريبه

هلا وغلا..

الله الله .. ليتني شآعر وأرد عليك.. لكن!! خايف أرد ويمسكونهاا العذآل علي..ههههههه..

المعزب ليتك حولناا ترد بالنيآبه عني..

أبو عوجه لا هنت ياااااا مبدع..

بصفك .. بصفك..

ولا هآن صقر أبن عبس..

[صقر ابن عبس]

اقتباس من مشاركة ابو عوجه نعم نعم حنا هل الميقاف والمحراف ناقف مانهاب=ياصقر خلك صقر لاترتاع وبعد بالنظر دنياك هذي فانيه بين الذهاب امع الاياب=والفرق بين الناس يارجال في يوم الحشر

نعم نعم
حنا على سنة محمد يامقصرت الثياب00 حنا هزمنا غزوة الاحزاب واحنين وبدر
انا ادري ان الفرق يارجال في يوم الحساب 00 لكن حذرا لاتعوشر يوم عاشور وصفر

[عبدالباري عبدالعزيز]

اقتباس من مشاركة ابو عوجه الشامخ اللي على كل البشر شامخ=طيبه كساني ولادري ويش السويبه عزالله اني من علوم البشر دايخ=ومصادر الصدق فيها الشك والريبه

لاتمدحه تبتلش بملافخ ملافخ=طيبه نهارين والثالث يراويبه ههههههه

عز الله ان الاوادم نصها بايخ=لو ماتبيها تجيب اللي تهذريبه

[ابو عوجه]

اقتباس من مشاركة صقر ابن عبس نعم نعم حنا على سنة محمد يامقصرت الثياب00 حنا هزمنا غزوة الاحزاب واحنين وبدر انا ادري ان الفرق يارجال في يوم الحساب 00 لكن حذرا لاتعوشر يوم عاشور وصفر

نعم نعم

انا ابو عوجه ماني الحوثي لعلك لذهاب=اسمع كلامي وفهمه واحذر يدينك والجمر
ياصحبنا ياللي تحسبون الخطاء مثل الصواب=ماني من أهل العوشره حفيد ابو بكر وعمر

[ابو عوجه]

اقامت الصلاه عندنا ياصقر لكن عن الذنك وتمس على خير

[صقر ابن عبس]

اقتباس من مشاركة ابو عوجه نعم نعم انا ابو عوجه ماني الحوثي لعلك لذهاب=اسمع كلامي وفهمه واحذر يدينك والجمر ياصحبنا ياللي تحسبون الخطاء مثل الصواب=ماني من أهل العوشره حفيد ابو بكر وعمر

نعم نعم
الحرب دن اجريسها ياعويج يامال الرعاب00 وانته مغير اتغازل النسوان في سوق الحفر
ترى المعاني فوق راسك مثل هملول السحاب 00 لو تعتذر ياصاحبي ما حدً بقابلك عذر

[صقر ابن عبس]

صلّ يابو عوجه وتعال كمل