[معيوف ابن زهيميل]

أيها الأحبة إليكم هذه القصيدة لعل أن تنال إستحسانكم....

وجه البسيطه كل يوم ايتغيّر = وجهٍ على ماقيل مابه طلاقه
أشعربما اشعرفيه ضيفٍ مسيّر= على بخيلٍٍ ما يبا ألا فراقه
ماني على الإحساس هذا صغيّر= بيني وبينه من حياتي علاقه
من كثر ماجربت فاجر وخيّر= شفت المعقّد بالسلوك الدقاقه
أدخل مع الأبواب لأجل أتخيّر = أما جمل. وألا على قل ناقه
إن ما مشيت الدرب والدرب نيّر= ابلش بدربي في غشيم السواقه
الوضع هادي. والهداوه تحيّر= كنه على خطْ أيتحرى انطلاقه
نود الهوا في حكم ربه مسيّر= وأيضا الهبوب ألها زمان اصطفاقه
ماهو تكهن غيب. وألا تطيّر= أومثل ماتقول العرب .هوش. ساقه
توحي لقلبي حنة أم الحويّر= شيءٍ .تجزيني مرارة مذاقه
بين الحنايا تقل جولٍ مطيّر= يصفق خفوقي. ثم يشلع. رواقه
سبره بعيد. وظل عصره قصيّر=لا عاد ليلك. يا عصير الصداقه
عطيتني شيك الشقاوه مجيّر= وحطتيني في هجن يعتب سباقه
وأنا هواي وغايتي من صغيّر= حب الصراحة واجتناب الحماقه

معيوف ابن زهيميل

الموضوع الأصلي: عصير الصداقة | | الكاتب: معيوف ابن زهيميل | | المصدر: شبكة بني عبس

[سعد بن عادي]

ماني على الإحساس هذا صغيّر
بيني وبينه من حياتي علاقه
من كثر ماجربت فاجر وخيّر
شفت المعقّد بالسلوك الدقاقه
أدخل مع الأبواب لأجل أتخيّر
أما جمل. وألا على قل ناقه
إن ما مشيت الدرب والدرب نيّر
ابلش بدربي في غشيم السواقه


صح لسانك مدد وأعتلاء شانك والله يا معيوف


أشهدنك شاعر تستحق مني :p



دمتم كما تحبون

[الاجهر]

صح السانك وعلاء شانك
وسع الصدر ياذيب وربط الجاش وفتل الرشاء وخله قوي
يالله كلها يومين وانساء وابتدي من جديد

الاجهر يحييكم

[مسندالعويمري]

صح لسانك وبيض الله وجهك ...

جزلة بمعنى الكلمة ...


لله درك يامعيوف

لا تحرمنا جديدك

[مرزوق العجوني]

صح لسانك اخوي معيوف ولا هنت على الرائعه وتقبل مروري

[فيصل م الرشيدي]

أشعربما اشعرفيه ضيفٍ مسيّر
على بخيلٍٍ ما يبا ألا فراقه
ماني على الإحساس هذا صغيّر
بيني وبينه من حياتي علاقه


صح نبضك ومنطوقك

لاهنت على القصيدة الجزلة

سجل متابعتي واعجابي

اخوك فيصل ملفي الرشيدي

[ناصر خنيفر]

صح السانك ياشاعر المنتدى قصيده وافيه من شاعر وافي

[عايض بن صالح]

توحي لقلبي حنت ام الحوير
شيئ يجزيني مرارة مذاقه

لاهنت يابن زهيميل على هذه المفردات النادرات

تقبل اعجابي