[الغريب*]

الله يقدرني علـى نظـم القصيـد المختلـفِِِ

والله يصبرني على اللي مالقيت الصبـر فيـه

البارحه برد الشتاء قارص وليلي ماانتصـف

وانا انتظر ينزل وحي عابر ومتعـوب عليـه

قالو تباهاءبالقصايد لـك هـدف يامحتـرف

قلت القصيد بلاهدف ماهـو قصيـد ولانبيـه

قالوا كشفنا الوضع قلت الوضع بالفعل انكشفَِِِِِ

لي صاحب (ن) يفهم علي ويحتريني واحتريه

صاحب (ذكي بالعكس ) لايمكن يدور ولايلـف

(مبلي بـلاه الله) بحـب الـذات والله مبتليـه

دايم يهدد رئيس الارشيـف باحـراق الملـف

ماكن له بالكون كلـه لاوصيـف ولاشبيـه

ان مازعل من مرشد البذال يزعل من خلـف

وان ماتضايق من مارادونا تضايق من بليـه

الصاحب اللي كل مايبدي على منبـر حلـف

انه منارة حق والحـق يتبعثـر مـن يديـه

وليا انتهى من خطبة المنبر تغيـر واختلـف

عينه على اللي ماتحفـظ بالريـال وبالجنيـه

وين الكرامه والشهامه والمعـزه والشـرف

وين الكلام اللي يقال ولالقـى مـن يحتميـه

مال الغشيم امان والدنياء توافيـق وصلـف

يمكن غشيم بغير قصد يصيدصقر ويشتويـه

خلاص مالي شف في نظم القصيد ولاهـدف

والوم نفسي لو ختمت النص واعـود ابتديـه

والشيب قبل العيب طيب والدهر هـم وقـرف

والناس بيضان الوجيه اخير من سود الوجيه

والعيب ماهو بالسفيه اللـي تلقـف ونلقـف

العيب يوم الله معافيني واخاطب لـي سفيـه

[عويض بن شامان بن خلف]

صح للسان ابووليد
ولاهنت يالغريب

[برق الوسم]

والشيب قبل العيب طيب والدهر هـم وقـرف والناس بيضان الوجيه اخير من سود الوجيه والعيب ماهو بالسفيه اللـي تلقـف ونلقـف العيب يوم الله معافيني واخاطب لـي سفيـه

الله واكبر عليك ياالعميد
صح لسانك
وبيض الله وجهك ياالغريب ع النقل الرائع وننتظرالمزيد و الجديد
تقبل خالص الود والتقدير

[المشعل]

والعيب ماهو بالسفيه اللـي تلقـف ونلقـف
العيب يوم الله معافيني واخاطب لـي سفيـه

يعطيك العاافيه الغريب على نقل ابيااااااات راااائعه لعميد الشعراااء
لاهنت وصح الساااااان ابو وليد
تحيااتي لك

[العالم الفلكي]

صح السان عميد الشعراء ابووليد

وتسلم يدينك ياالغريب على النقل

[الغريب*]

اقتباس من مشاركة عويض بن شامان بن خلف صح للسان ابووليد ولاهنت يالغريب

ماتهون يامشرفنا الغالي ومرورك يزيدني حماس ونشاط بيض الله وجهك

[المحامي خالد]

الله اكبر عليك يابو مرسال بيوت من ذهب ومشكور يالغريب على جهودك الجباره

[منصور غنيمان]

الله واكبر عليك ياالعميد
صح لسانك
وبيض الله وجهك ياالغريب