[صقر ابن عبس]

(معجزة الشاعر زايد ابن عدله)

البارحه حلمي عسى واقعه خير ***** مثل السحاب اللي تقافا مخيله
لاحت بروقه في خياله من اعصير ***** من خلقتي ماشفت برقن مثيله
شمخ مقاديمه اسوات السواطير ***** سبحان من خلى امزونه ظليله
اليا برق قامت تحن المزابير ***** واحريت ماها مير ماسال سيله
عسعس عليه الليل واقفى محادير ***** عده رهاوي مير صافي صميله
روح عليه من الجنوبي شخاتير ***** واقفى هبوب النود تطرق شليله
زمه سرابن حال دونه مقادير ***** لين اتقى عن شوف عينن تخيله
انشد وادور لي عطاشا على البير ***** واقول وين العلم بايى وسيله
ياخذ منه عبره ودرسن وتفكير ***** قدام لايفرق خليلن خليله
دليل واضح مايبا عنه تفسير ***** مثل الزناد ان ناش خشم الفتيله
عينن تراعي له بحشمه وتقدير ***** والعين الاخرى ودها بالفشيله
اضحك واسولف له عن كليب والزير ***** واقول انا صاحبك راعي طويله
تاهت احلومي بين شرحن وتصوير ***** واللي عرف واديه يعرف مسيله
ياطير ابن برمان ماشفت لي طير ***** طيرن غدالي قبل تسعين ليله
الشوف غره والحباري مخامير ***** واومي بملواحي ولاله عقيله
لفه هواء الغربي بعج ومعاصير ***** واقفى وانا مالي بفرقاه حيله
ربه عطاه من الوصايف نوادير ***** اهدف طويل ادقاق كفه جليله
شفي ومقصودي معه ياعرب غير ***** لو ان حظي ماسرج فيه خيله
ياليت من يذكر لي الطير بالخير ***** لا اصير انا مجنون والطير ليله
دقت عليه اهجوس صدري مزامير ***** والارض جردا والسماء مستطيله

يالله حسن الخاتمه والتدابير ***** ياللي تعز النفس لو هي ذليله

الموضوع الأصلي: قصيده معجزه باسلوبها للشاعر زايدابن عدله | | الكاتب: صقر ابن عبس | | المصدر: شبكة بني عبس

[ذيب المناخ]

الله يعطيك العافيه يا صقر ابن عبس

[الشاطئ المهجور]

الله يعطيك العافيه يا صقر ابن عبس

[مرشدالمظيبري]

الله يعطيك العافيه يا صقر ابن عبس

[رسام]

اشكرك على القصيده اخووووووووووي

[صقر ابن عبس]

مشكورين على المرور