[حنان الرشيدي]

" بسم الله الرحمن الرحيم "



أسعد الله أوقاتكم برضاه ..


اليوم دارت معركة شعرية كان أحد أطرافها
شاعرنا" العميل السري" الذي أصر على أن
له مسار لا يحيد عنه وهو ملتزم به و لا يمشي
تبعاً لِمَ يمليه عليه الآخرون ..!
مما أدى إلى استفزاز الشاعر
" مدار و فلك " لـ يقول له بصيغة الجزم :
" ماني من للي يدور للخطا والناس يسعون"
لا أريد أن أطيل أكثر و أترككم مع مجريات الأحداث
^_^

\
مدار وفلك

وين انت ياللي تعرف العلم ولك اذانين وعيون=تفهم وانا افهمك وللي مايبي يفهم بكيفه
ياكثر ماجت ضروف الوقت عكس للي تمنون=يوم اكثر الناس حظه في مجالاته حليفه

العميل السري

لايامدارو فلك ياصاحبي بالهون بالهون=انت شمال الثمد ولا بعد حول الحليفه
سرالضروف الذي في واقع الايام مدفون=ولا زمانك تراه مخالطن صيفه خريفه

مدار وفلك

اليوم اشوف العرب لا شافوا التاجر يهلون=ولا زمان الذي يفرح ليا من جاه ضيفه
حنا بزمان(ن) به الطيب على الاكتاف مركون=والخبل عايش وبين الناس قام يسل سيفه

العميل السري

ياراعي المركب اللي بالبحر مركبك وشلون=تعبر عليه البحر والاشرعه دون النصيفه
يوم اهل الطيب ماحطوا لهم شاره ومظمون=والطيب يمشي به الرجال وعيونه كفيفه

مدار وفلك

بالمجتمع واجد اشياء مالها طعم(ن) ولا لون=يالباحث للي زمانك سلمك برحه رصيفه
اللي تبدح مابين الناس يبغى الطيب هلون=الطيب للي يشيل اثقال حمله عن خفيفه

العميل السري

اقف لكم بالطريق وخايفٍ منكم تعدون=وتسفي عليك السوافي وانت الك صفحه نضيفه
اقول لك علم لا تميز عباد الله باللون=امعذرب الناس ناسي مالفت تحت القطيفه

مدار وفلك

طولت بالي عليك اقول لا بكره يعقلون=لاكن اشوف العميل مغيرن موقع مصيفه
لا ياعميل(ن) علومه تفتح من بطونها ابطون=الله يجازيك بعلوم(ن) مثل علم(ن) تضيفه

العميل السري

انا عميلاً ما يمشي مثل ماكنتم تودون=اللي التزامي ومساري خاص والنظره شريفه
اطلب من الله يهونها عسى من بعده تهون=ياشاعرٍ مالقى بين العرب من يستضيفه

مدار وفلك

انا عرفت الدروب ولا جهلت للي تقولون=لاون راعي عفيف يموت مافارق عفيفه
كم لي وانا باذل(ن) كف العطاء ياللي تمنون=الصاحب اللي على صاحبه ماعلن بالنكيفه

العميل السري

ان كان وضعك على هاللون اليا راحو يردون=عسى الاصابات اليا لحقت على مثلك طفيفه
عاماً مضى والعرب شوفتك من دونٍ على دون=خبزك بنارك وعينك تنظر الجار ورغيفه

مدار وفلك

خلك من علوم خلق الله ولالي بالعرب لون=مادام تسمع رعد والبرق بعيونك رفيفه
ماني من للي يدور للخطا والناس يسعون=ابعد عن المبتلي واللي معه لوجست خيفه

العميل السري

كذ قيل لاتصدق الشعار باللي لك يقولون=ولا انتا ابو ذر يالغالي ولا والله حذيفه
السالفه ودها وجهة نظر ياللي تشوفون= أربع مذاهب وتبقى قبلها المله حنيفه

\

صحت ألسنتهم ..
و دمت بأفضل حال

الموضوع الأصلي: ..( مدار و فلك في مواجهة مع العميل السري).. | | الكاتب: حنان الرشيدي | | المصدر: شبكة بني عبس

[العميل السري]

قائدة رابطة العميل السري
شكرا من الاعماق على الجهود التي تبذلينها
وشكرا على المقدمه التي استفزت مدار وفلك عن جد

لك اجمل وارق تحيات اخوك العميل السري
ودمتي بصحه وعافه

[سند الداموك]

محاورة من العياار الثقيل لشااعرين لهما وزنها الشعري في عاالم المحااوره

شكرا لك حنان على التنسسسسيق

[شداد المظيبري]

صح لسان الشعار

يعطيك العافية حنان عالتنسيق

[مداروفلك]

شـــكرآ لقـــــائـــدة الرابــــطـة
على تـنـسـيـق الـمـحـاوره
وســـلمت يـــداك
ولـك تحـيــات
مـــــدار وفـــلك..........,,,,

[خالد البغيلي]

صح لسان الشعار

يعطيك العافية حنان عالتنسيق

[ناصر الخياري]

تنسيق اكثر من رايع
صح السنتكم مبدعين

[شلاش]

صح الله ألسنتكم