وين انت ياللي تعرف العلم ولك اذانين وعيون=تفهم وانا افهمك وللي مايبي يفهم بكيفه
ياكثر ماجت ضروف الوقت عكس للي تمنون=يوم اكثر الناس حظه في مجالاته حليفه

لايامدارو فلك ياصاحبي بالهون بالهون=انت شمال الثمد ولا بعد حول الحليفه
سرالضروف الذي في واقع الايام مدفون=ولا زمانك تراه مخالطن صيفه خريفه

اليوم اشوف العرب لا شافوا التاجر يهلون=ولا زمان الذي يفرح ليا من جاه ضيفه
حنا بزمان(ن) به الطيب على الاكتاف مركون=والخبل عايش وبين الناس قام يسل سيفه

ياراعي المركب اللي بالبحر مركبك وشلون=تعبر عليه البحر والاشرعه دون النصيفه
يوم اهل الطيب ماحطوا لهم شاره ومظمون=والطيب يمشي به الرجال وعيونه كفيفه

بالمجتمع واجد اشياء مالها طعم(ن) ولا لون=يالباحث للي زمانك سلمك برحه رصيفه
اللي تبدح مابين الناس يبغى الطيب هلون=الطيب للي يشيل اثقال حمله عن خفيفه

اقف لكم بالطريق وخايفٍ منكم تعدون=وتسفي عليك السوافي وانت الك صفحه نضيفه
اقول لك علم لا تميز عباد الله باللون=امعذرب الناس ناسي مالفت تحت القطيفه

طولت بالي عليك اقول لا بكره يعقلون=لاكن اشوف العميل مغيرن موقع مصيفه
لا ياعميل(ن) علومه تفتح من بطونها ابطون=الله يجازيك بعلوم(ن) مثل علم(ن) تضيفه

انا عميلاً ما يمشي مثل ماكنتم تودون=اللي التزامي ومساري خاص والنظره شريفه
اطلب من الله يهونها عسى من بعده تهون=ياشاعرٍ مالقى بين العرب من يستضيفه

انا عرفت الدروب ولا جهلت للي تقولون=لاون راعي عفيف يموت مافارق عفيفه
كم لي وانا باذل(ن) كف العطاء ياللي تمنون=الصاحب اللي على صاحبه ماعلن بالنكيفه

ان كان وضعك على هاللون اليا راحو يردون=عسى الاصابات اليا لحقت على مثلك طفيفه
عاماً مضى والعرب شوفتك من دونٍ على دون=خبزك بنارك وعينك تنظر الجار ورغيفه

خلك من علوم خلق الله ولالي بالعرب لون=مادام تسمع رعد والبرق بعيونك رفيفه
ماني من للي يدور للخطا والناس يسعون=ابعد عن المبتلي واللي معه لوجست خيفه

كذ قيل لاتصدق الشعار باللي لك يقولون=ولا انتا ابو ذر يالغالي ولا والله حذيفه
السالفه ودها وجهة نظر ياللي تشوفون= أربع مذاهب وتبقى قبلها المله حنيفه