[العريض]

تاخذني الأفكار في غالـب الوقـت=لدار لهـا كـل الغـلا بالمحانـي
ماعقت نفسي لكن إنـي تعوقـت=غصبٍ علي ماجيتكم مـا مدانـي
تسرقني الأفكار لو للقـدم سقـت=حتى صحيت بوسط ذيك المبانـي
أحلى سنيني بقتها ليـه مابقـت؟؟=واللي بقا أعوام من شخص فانـي
تدري انا وشلون من عالمي ضقت=من خرم الإبرة لوطلبتـه سقانـي
لوشقت كل الناس ياوقت ماشقـت=قلب عرف غدرك بكـل المعانـي
اذكر باني فيـوم فعـلا تشوقـت=للموت لحظة ماصديقـي رمانـي
ماهي غشامه يوم أطوف وصدقت=إني أنا أحميـك وأنـت تحمانـي
علقت بي شيٍ وأنـا بـه تعلقـت=روح الأمل لازال ساكـن كيانـي
ادخل على مولاك تعبان وارهقـت=هدمت بي عز وردمـت الموانـي
بس للأسف متاخرٍ يوم انا فقـت=وش فايدة تـرك المعنـى يعانـي
حظي يعشمنـي ولاشـي حققـت=بس لذة التفكيـر حلـم وأمانـي
جتني امارة بس ما ظنتـي لقـت=وراحت وجابت واحدٍ فـي مكانـي
أشكل عطتني والعسـل ماتذوقـت=يالله عسى في يوم يضحك زماني
هذي سنين العمر فيهـا توهقـت=من وين ما وجه زماني عصانـي

مشعل الفدغوش

الموضوع الأصلي: تاخذني الأفكارفي غالب الوقت | | الكاتب: العريض | | المصدر: شبكة بني عبس

[منارة الذئاب]

صح السان شاعرها ومشكور
على النقل الجميل ياالعريض
تقبل تحياتي
..........................

[فهد العوضه]

الشاعر مشغل الفدغوش
شاعر نتمنى المزيد من
قصايدة الغزليه التي
تمتاز برقة مفرداتها
والسلاسه والمعاني القويه
اخوي العريض لاتحرمنا قصيده
من الشاعر مشعل تقبل مروري
ولك تحياتي

[العريض]

اقتباس من مشاركة عاشق بلا عنوان صح السان شاعرها ومشكور على النقل الجميل ياالعريض تقبل تحياتي ..........................

صح بدنك لاهنت ع المرور

[العاصي]

صح السان شاعرها ومشكور على النقل
تقبل تحياتي

[احمد سبيتان]

صح لسانك وقصيده بمنتهى الروعه الله يوفقك

[العريض]

اقتباس من مشاركة فهد آل عوضه الشاعر مشغل الفدغوش شاعر نتمنى المزيد من قصايدة الغزليه التي تمتاز برقة مفرداتها والسلاسه والمعاني القويه اخوي العريض لاتحرمنا قصيده من الشاعر مشعل تقبل مروري ولك تحياتي

يشرفني مرورك الكريم لاهنت

[العريض]

اقتباس من مشاركة العاصي صح السان شاعرها ومشكور على النقل تقبل تحياتي

شاكرررررررمرورك لاهنت