تاخذني الأفكار في غالـب الوقـت=لدار لهـا كـل الغـلا بالمحانـي
ماعقت نفسي لكن إنـي تعوقـت=غصبٍ علي ماجيتكم مـا مدانـي
تسرقني الأفكار لو للقـدم سقـت=حتى صحيت بوسط ذيك المبانـي
أحلى سنيني بقتها ليـه مابقـت؟؟=واللي بقا أعوام من شخص فانـي
تدري انا وشلون من عالمي ضقت=من خرم الإبرة لوطلبتـه سقانـي
لوشقت كل الناس ياوقت ماشقـت=قلب عرف غدرك بكـل المعانـي
اذكر باني فيـوم فعـلا تشوقـت=للموت لحظة ماصديقـي رمانـي
ماهي غشامه يوم أطوف وصدقت=إني أنا أحميـك وأنـت تحمانـي
علقت بي شيٍ وأنـا بـه تعلقـت=روح الأمل لازال ساكـن كيانـي
ادخل على مولاك تعبان وارهقـت=هدمت بي عز وردمـت الموانـي
بس للأسف متاخرٍ يوم انا فقـت=وش فايدة تـرك المعنـى يعانـي
حظي يعشمنـي ولاشـي حققـت=بس لذة التفكيـر حلـم وأمانـي
جتني امارة بس ما ظنتـي لقـت=وراحت وجابت واحدٍ فـي مكانـي
أشكل عطتني والعسـل ماتذوقـت=يالله عسى في يوم يضحك زماني
هذي سنين العمر فيهـا توهقـت=من وين ما وجه زماني عصانـي

اقتباس من مشاركة عاشق بلا عنوان (المشاركة 1197340) صح السان شاعرها ومشكور على النقل الجميل ياالعريض تقبل تحياتي ..........................

اقتباس من مشاركة فهد آل عوضه (المشاركة 1198850) الشاعر مشغل الفدغوش شاعر نتمنى المزيد من قصايدة الغزليه التي تمتاز برقة مفرداتها والسلاسه والمعاني القويه اخوي العريض لاتحرمنا قصيده من الشاعر مشعل تقبل مروري ولك تحياتي

اقتباس من مشاركة العاصي (المشاركة 1200355) صح السان شاعرها ومشكور على النقل تقبل تحياتي