[سنام عبس]

السلام عليكم ورحمة الله وبركاته

أول مشاركه لي فى منتدى الشعر الشعبي في قصيده عاطفية للعلم أني شاعر محاوره
وكلي أمل أن تحوز على رضاكم
ودمتم ساليمن ,,,

[poem=font="simplified arabic,5,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سامح الله من جرح قلبي وراح=باعني والدمع من عيني يطيح
ضربته سيفٍ وطعناته رماح=ناعم الخدين والوجه الفليح
من عرفته وأمشي بدرب الكفاح=والحياه أذوقها سكر وشيح
راح وأقفا ماطلب حتى السماح=أبتعد وأصبحت بفراشي طريح
والمخليه برقها من غاب لاح=بيننا والوصل من كفه شحيح
ماتركلي غير حبه والجراح=والجروح اللي من طعونه تصيح
صرت أشوف الليل فى عيوني صباح=والعطر ماشملَه لا فاح ريح
والصدر ما عاد يبغى الأنشراح= ضايقٍ ماغير تسمع له فحيح
قلبي اللي من فراقه ماأستراح=وقلبه اللي من فراقي مستريح
أرتفع حبه على القمه وطاح=عقب ما كنت أحسبنه ما يطيح
سامح الله من جـرح قلبـي وراح=باعني والدمع من عيني يطيح
[/poem]

الموضوع الأصلي: أرتفع حبه على القمه وطاح عقب ما كنت أحسبنه مايطيح | | الكاتب: سنام عبس | | المصدر: شبكة بني عبس

[احمد منيف]

صح الله لسـانك اخووووي قصيدة طيبه لاهنت :

[راشد الراشد]

سامح الله من جرح قلبي وراح == باعني والدمع من عيني يطيح


قصيده عن مئة قصيده

ومفعمه بالجزاله

وتستاهل الثناء عليه

وننتظر جديدك

شكرأ

[احمد سبيتان]

صح لسانك........

[سعيد عيد الرشيدي]

من عرفته وأمشـي بـدرب الكفـاح والحيـاه أذوقهـا سكـر وشـيـح

ونحن نتذوق هذه الابيات سكر وشيح
لله درك وصح لسانك على هذه الرائعه الشعريه
تقبل تحياتي وتقديري

[سنام عبس]

الله لا يهينكم جميع وافين
وصح بدانـكم
وشرف لي
لاهنتم

[بن مشيلح]

صح الله لسانك يسنام عبس