[بندر الشويلع]

قصـــة حـــــــــــــزين
هذه القصيده اعتقد البعض انه للشاعر الكبير عيد بن مربح واخرون نسبوها عن طريق الخطا للشاعر بندر بن سرور
لان هناك ابيات للشاعر (عيد بن مربح ) على نفس هذه القافيه
ومن ابيات عيد
اللي ضربني طراق طيف بنسى طراقه ****الله يلعن نوب تحسين الأخلاق
ولذلك حصل الخلط عند الكثير من الناس
فخلطوا قصيدة عبدالله بقصيدة عيد
احبتي لااطيل عليكم وتقبلوا خالص تحياتي ارجو ان تتأملوا في معانيها

سر يا قلم مالي على الصبـر طاقـه صبرً تعـدى الحـد ماعـاد ينطـاق

واكتـب لمثلـي قصتـه واشتياقـه في خطك الواضح على بيض الاوراق

قصة حزيـنً صافـي المـر ذاقـه وليا ذكر ماصارله خاطـره ضـاق

باقوبـه الاصحـاب والوقـت باقـه اصبح ضحيـه بيـن بايـق وبـواق

يمشي وهو ماحس في كسـر ساقـه امسى على ساقين واصبح على سـاق

وهاذي اسوات الوقت شين اصطفاقـه الوقـت لـو يصفيلـك ايــام دراق

ان شان قطـع معـك كـل العلاقـه وان زان خلالك مع النـاس عشـاق

ومن شان معه الوقـت قلـو رفاقـه وراحت حياتـه كلهـا هـم واقـلاق

والله خلـق خلـقً تحـب اللبـاقـه كما خلق له خلـق ماعندهـا أخـلاق

احـد يعيـش بخيـر واحـد بفاقـه واحـد يعيـق ايـام وايـام ينعـاق

واحد معه حكمـه وصبـر ورواقـه سبحـان منهـو للمخلايـق خـلاق

لاكـن يامـن معـك عقـل وثاقـه ابنصحـك كانـك للامثـال تشتـاق

لاتنخـدع باهـل العلـوم الرقـاقـه اللـي سوالفهـم تـوهـق تـوهـاق

صادق رجـالً يعرفـون الصداقـه يقفون صفك يوم يبسـات الاريـاق

من رغب في فرقاك فارغب افرقـه جاز الذي يجزيـك افـراق بفـراق

وتعلـم التعشيـق قـبـل السـواقـه لاتحسبنـك بالدرقـسـون ســواق

ورزقك يجيك بدون تحضـر بطاقـه وعنـد الله المعبـود تقسيـم الارزاق

يقولها اللـي جايـر الوقـت عاقـه ولازال فـي غيبوبـة الهـم مافـاق

مـن انعزاقـه بــاديً بأنعـزاقـه واللي يوده صار شوفـه بالاشفـاق

ولاقال هـذا القـول قصـده طفاقـه ماقال هذا غير مـن نـار الاشـواق

الموضوع الأصلي: قصة حزينه | | الكاتب: بندر الشويلع | | المصدر: شبكة بني عبس

[مذكر الرشيدي]

قصيده جميله وجزله وصح لسان الشاعر عبدالله بن باتل ولا هنت على النقل

[احمد منيف]

من عرفتها وانا اعرفها انها لعدبالله باتل { لاهنت اخوي بندر }

[سعد محمد]

صح لسان شاعرها الكبير والمعروف بـهـا / عـبـدالـلًـه بـاتـل الـرشـيـدي .

ولاهنت يا الغااالي توضيح القصيده ونسبـها لمن كتبها بكل مصداقـه .

تششكراتي لـكـ ’’’

تقبل مـرور أخوك / الـفـجرالـبـعـيـد ؛؛

[غــنــي]

اشكرك أخي : بندر الشويلع

والقصيدة لعبدالله الباتل ...................

وسبق أنه قاموا أشخاص بتنزلة القصيدة آنفة الذكر باسم الشاعر بندر ببعض الجرايد والمواقع.

[بندر الشويلع]

مشكور اخوي مذكر العايضي على مرورك الطيب
ولاهنت

[بندر الشويلع]

مشكور اخوي احمد منيف على مرورك الطيب
ولاهنت

[بندر الشويلع]

مشكور اخوي الفجر البعيد على مرورك الطيب
ولاهنت