[سلطان الدويله]

لعنبو جدك تحسب الغلا لعبة بزور
مادريت ان الغلا سم حالي سمها

قمت اعاني من عنا الوقت و الدنيا تدور
ساهرن ليلي وبعض العرب ماهمها

لا جزأك الله بالخير منته بمعذور
ليه خليت العواطف تموت بهمها

والله اني منك يا ناعس الطرف امخطور
ارحم أحوالي وأقول انت أبوها وسمها

ياذهب يا ماس ياورد ياعطر العطور
وردتن ما كل من جا يبيها شمها

كل ما سجيت منها يراودني شعور
لا بغيت اروح عنها اعود يمها

ليه رحت وغبت عنا و ضيقت الصدور
وانت شريان المحبه و مجرى دمها


كلمات : الشرح


مع تحيات
سلطان حبيب الدويله

الموضوع الأصلي: شريان المحبه....... | | الكاتب: سلطان الدويله | | المصدر: شبكة بني عبس

[نوماس5]

هالله بيض الله وجهك على النقل

[سلطان الدويله]

نوماس5

والله يبيض وجهك على الرد وتحياتي لكم

[شداد المظيبري]

صح لسسآنك

أبيات رائعة


ننتظر جديدك

[سلطان الدويله]

شداد المظيبري


مشكور على الرد وهذا من ذوقك الحلووو وتحياتي لك اخوك سلطان حبيب الدويله

[أحاسيس]

ابيات قمه في الروعه انتظر ابداعاتك

[بندر الشويلع]

آبيات من قمة الروعه
وصح لسان شاعرها والله يعطيك العافيه ع النقل المميز
ولاهنت

[سحايب]

ليه رحت وغبت عنا و ضيقت الصدور
وانت شريان المحبه و مجرى دمها


صح الســــــــــان شاعرها
وسلمت يمناك على هالرائعه
قصيده رائعه استمتعنا بما
حوت من جمال
يعطيك العافيه لاهنت
ننتظرالاجمل بذائقتك االمتميزه