[عبدالله البصمان]

السلام عليكم ورحمة الله وبركاته
أخواني الكرام .. هذي قصيده قديمه جداً
كتبتها لما كان عمري 15 او 16 .. أتمني تعجبكم . لـكم التقدير .!

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ذكري قديمه هزت القلب ياسعود=وبانت علي وجهي ملامح حزينه
تدري وش الي جابها دقت العود=يومك تغني اه واشيب عينه
راحت وانا مدري عساها لي تعود=الي بوسط القلب مبطي حنينه
امن اولن تعطيني حلوف ووعود=ويني وانا ياسعود هالحين وينه
شفني اناظر بـسما برق ورعود=كني اناظر قصرنا الي بنينه
كني اشوف الناس تنزل وانا صعود=مير البلا لاصار عكسه مشينه
اذكر هدايا كلبوها دهن عود=واذكر سوالف ناس فيهم حكينه
ساعه بها جتني هواجيس بوعود=هليت من عيني مشاعر حزينه
ذكري قديمه هزت القلب ياسعود=فيها كشفت اخر سوالف حدينه
[/poem]

اخوكم
عبدالله مطارد البصمان

الموضوع الأصلي: ذكري قديمه هزت القلب ياسعود .. عبدالله مطارد البصمان | | الكاتب: عبدالله البصمان | | المصدر: شبكة بني عبس

[أمـــير بـكلمتي]

قصيده جميله صح لسانكـ يــا عبدالله

[عبدالله البصمان]

أمير بكلمتي

صح بدانك

لا خلا ولا عدم

عبدالله البصمان

[عبدالله معزي]

عبدالله البصمان
صح لسانك
ولاتحرمنا من جديدك

[احمد سبيتان]

صح لسانك ياعبدالله شاعر جزل

[عبدالله البصمان]

احمد سبيتان

صح الله بدانك يالغالي ولاتحرمنا من مرورك

[كاتب الرشيدي]

صح لسانك ياعبد الله

بدايات حلوه وذكرى جميله

[احمد منيف]

صح لسـانك واسفين اخوي :)