[ذيب الهجاد]

السلام عليكم ورحمة الله وبركاته,,,,,,




((جر العــوى يــا ذيــــب))

جرى العوى ياذيب مافيه منقود=وانا على صوتك بجر اللحوني

زيد العوى بالحيل لو كنت ملهود=لو كان من صوتك تهل العيوني

ياذيب ذنباً فيك باقي وموجود=ماينغفر لك لو تبين الجنوني

ياقوعزمك في مراقيب وبرود=وانا شكيت النوم فارق جفوني

عذبتني بعواك من غير مقصود=سويت في قلبي سوات الطعوني

ياونتي ونة كسيراً ومطرود=ومصوباً بالعظم بين المتوني

قدمه طريقاً وعر بالحيل مسدود=يقفاه ربعاً صرب مايرحموني

على الذي فارق عيوني ولا يعود=حال القدرياذيب دونه ودوني

لو جيت ابنشد عنه ماعنه منشود=لو كان بعض الخلق ما يسمعوني

ياعل ربي يمطر القبر برعود=يتبعه برقاً مع صدوق المزوني

وفي جنة الفردوس ظلٍ وممدود=مثواه يارحمن فيك الضنوني

الموضوع الأصلي: جر العــو ى يــا ذ يــــب | | الكاتب: ذيب الهجاد | | المصدر: شبكة بني عبس

[عبدالله معزي]

صح لسانك وعلى شانك
قصيده جميله في غاية الروعة والجمال

[مرآهيش]

اقتباس من مشاركة ذيب الهجاد السلام عليكم ورحمة الله وبركاته,,,,,, ياعل ربي يمطر القبر برعود=يتبعه برقاً مع صدوق المزوني وفي جنة الفردوس ظلٍ وممدود=مثواه يارحمن فيك الضنوني

آمين يآرب

ذيب الهجآد

صح لسآنك مدد بلآعدد

لآعدمنآك

[ذيب الهجاد]

اقتباس من مشاركة عبدالله معزي صح لسانك وعلى شانك قصيده جميله في غاية الروعة والجمال

صح بدنك عبدالله...... وجمال القصيده زادها تشريفك للموضوع..

لاهنت...

اقتباس من مشاركة مرآهيش آمين يآرب ذيب الهجآد صح لسآنك مدد بلآعدد لآعدمنآك [/center]

هلااااابتس شاعرتنا وصح بدنتس..

لاهنتي ولا عدمناااتس

[عيد الداموك]

ياونتي ونة كسيـراً ومطـرود
ومصوباً بالعظم بيـن المتونـي

على الذي فارق عيوني ولا يعود
حال القدرياذيب دونـه ودونـي

ياعل ربي يمطر القبر برعـود

يتبعه برقاً مع صدوق المزونـي

وفي جنة الفردوس ظلٍ وممدود

مثواه يارحمن فيـك الضنونـي
...................
ذيب الهجاد صح لسانك
الله يرحم امواتنا واموات المسلمين

قصيده رثاء ممتازه وحزينه جداً

[احمد منيف]

صح الله لسانك اخوي ذيب قصيده طيبه :)

[ناصر خنيفر]

اقتباس من مشاركة ذيب الهجاد السلام عليكم ورحمة الله وبركاته,,,,,, ((جر العــوى يــا ذيــــب)) جرى العوى ياذيب مافيه منقود=وانا على صوتك بجر اللحوني زيد العوى بالحيل لو كنت ملهود=لو كان من صوتك تهل العيوني ياذيب ذنباً فيك باقي وموجود=ماينغفر لك لو تبين الجنوني ياقوعزمك في مراقيب وبرود=وانا شكيت النوم فارق جفوني عذبتني بعواك من غير مقصود=سويت في قلبي سوات الطعوني ياونتي ونة كسيراً ومطرود=ومصوباً بالعظم بين المتوني قدمه طريقاً وعر بالحيل مسدود=يقفاه ربعاً صرب مايرحموني على الذي فارق عيوني ولا يعود=حال القدرياذيب دونه ودوني لو جيت ابنشد عنه ماعنه منشود=لو كان بعض الخلق ما يسمعوني ياعل ربي يمطر القبر برعود=يتبعه برقاً مع صدوق المزوني وفي جنة الفردوس ظلٍ وممدود=مثواه يارحمن فيك الضنوني

الله يرحم اموات المسلمين قصيده وافيه من شاعر وافي والله يبعد عنا وعنك الاحزان

[عيسى محمد]

ذيب الهجاد

صح الله السانك وسلم بنانك
ورحمه الله واسكنه فسيح الجنان
لاعدمناك ولا عدمنا جديدك العذب

تحييييييياتي لك