[زكي سليمان]

[frame="7 80"]
على العالي اللي من كبار المراقيــــب
يطير العقاب اللي توكل بربـــــــــه
على متن جنحانه كفخ بالمكاتيـــــــــب
ومن بندق الصياد طير متنبــــــــــــه
والاعمار لوطالت بليا تجاريـــــــــــب
تراها ليا جت للحقيقه مسبـــــــــــــه
يعيش الشباب عقاب بدري على الشيب
نحيف من الاشواق ماهو بدبــــــــــه
يهب الهوى واكتب وانزل على الويب
وشعري على...... المشاعر مصبه
وانا لي سنه وشوي اصوب ولا اصيب
على واحدن قلـــــبي خذاه ولعبــــــه
من الطابق الثاني دعاني بترحيـــــــــب
وجيت اركض من الشوق ادور محبه
تبسم وفي عينه بدى الشك والريـــــــب
وقال العفو منكم تراني مشبـــــــــه
تضيع الفرص وان جت بليا مكاسيــــب
وانا شارعه لي عام مااقدر اطبــــه
على العالي اللي عنه مانقدر نغيــــــــب
كتبنا ثلاث بيوث فيها منبـــــــــــــــه
اذا سعود بن ذيران ماهو بحبيـــــــــــب
وضوه ليا جوه الطراقي يشبــــــــــه
عيونه تنام الليل ياعيد بالطيـــــــــــــــب
ورجليه ماتوطى الغرام ومطبــــــــــــه
يصلي لربه شكر ويحرك الجيـــــــــب
ويشري لباب القلب عشرين ضبـــــــه
الشاعر/ عقاب وعيره
[/frame]

الموضوع الأصلي: الطابق الثاني | | الكاتب: زكي سليمان | | المصدر: شبكة بني عبس

[عبدالله معزي]

صح لسانك وتم التعديل

[أثير الشوق]

صح لسانك شاعرنا ..

[عيد الداموك]

عيونه تنام الليل ياعيد بالطيـــــــــــــــب
ورجليه ماتوطى الغرام ومطبــــــــــــه
يصلي لربه شكر ويحرك الجيـــــــــب
ويشري لباب القلب عشرين ضبـــــــه
الشاعر/ عقاب وعيره


* صح اللسانكـــــ ملايين ولا تكفي *

---وننتظر جديدكــــــــــ ----

[سمري]

الله يعطيك العافيه

[هيون]

صح لسانك شاعرنا ..

[اشجع]

اذا سعود بن ذيران ماهو بحبيب
ماذا تقصد بهذا البيت ارجو التوضيح حتى يتسنى لنا الرد
وشكرا

[زكي سليمان]

يعني اذا اسعود مايحب يحمد ربه كما يقول الشاعر العربي
اذا لعب الرجال بكل شي ن
رأيت الحب يلعب بالرجالي
واخر يقول
فما في الارض اشقى من محب ن
وان وجد الهوى حلو المذاقي
مداعبه لسعود يااشجع فقط ضع شده على حرف ب في كلمة حبيب
ياليتك تعرف الشاعر سعود