[مذكر الرشيدي]

وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك

تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك

يعني متوقع بأي لحظه يغيـب و تغتـرب بـه!!

كل دربٍ يرحل بطيفه .. على وجهـك يجيبـك

كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك

تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك

عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك

ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك

و انتْ عارف لو ذبحك العشق ما داواك طبه !!



مما راق لي

الموضوع الأصلي: وش تسوي لاعشقت انسان ماهو من نصيبك‎ | | الكاتب: مذكر الرشيدي | | المصدر: شبكة بني عبس

[ميلاس]

‎
روعه .. هالقصيده لهآ ذكرى خاصه
تسلم ع الاختيآر الرآآئع ..
‏ وبإنتظآر جديدك ..

[حمود الفضلي]

صح اللسانك ولاهنت يالغالي

[افراح]

صح السانك ابيات في قمة الروعه

[مذكر الرشيدي]

مشكوررين على المرور

[سحايب]

صح الســــــــــان شاعرها
ومشكورعلى هالذائقه الرائعه
متميز دائما فيما تنتقي
قصيده جميله

[رسام الغروب]

تسلم يمناك على النقل الرائع
وتحياتي لك

[بنت الوهيداني]

بسم الله الرحمن الرحيم
صح لسانك