[سالم الرشيدي]

لبى اللثام إللـي لبسك..ولبستيـه
....................ولبى العيون إللي سحرني..نظرها

وحظ الغلام..إللي عرفك وعرفتيـه
....................في ليلة ٍ ظلمـى ونورك..قمرهـا

بالمبسم..إللي فيه ضحكك رسمتيه
...................وإلا خدود ٍ..بـان فيهـا زهرهـا

وإلا كلامك..جلّ حـرف ٍ نطقتيـه
.................بين الشفاة إللـي تداعب..ثغرهـا

الوصف يعجز في سحاب..إنتشيتيه
.................لبيه..ياسحـر العيـون وبحرهـا

نشلتني من عالـم الحلم..والتيـه
.................خليتني..مابيـن (كـان وخبرهـا)

قلب ٍ من اسلوبك..وغنجك..اسرتيه
................إلين بقّى عشرة ٍ..مـن عشرهـا

ماكنت أناظر كل رجـم ٍ وأحاتيـه
.................ولا إفتكرت..الروح يدني..ثمرهـا

سلّمت روحي لجل ذنـب إقترفتيـه
................عواقب الحفره..على من حفرهـا

منك العذاب وشوقي إللي حرقتيـه
................أخـذ بقايـا الحـب حتى..قبرهـا

من صدك المظلم وخنجر طعنتيـه
................عيّشنـي الحيـره وقمة..قهرهـا

ما ذاقت عيونـي منـام اهتنيتيـه
.................تسامـر نجـوم الليال..وأثـرهـا

كتبت من صـدّك قصيـد ٍ قريتيـه.
................الأجواد..مايوم ٍ عطتنـي ظهرهـا

أما حياة اتسـر قلـب ٍ..جرحتيـه
................وإلا ممات إيغيض روح ٍ..تاْمرهـا


مــمــا راق لــي ...!!

الموضوع الأصلي: ( لبى اللثام إللي لبسك..ولبستيه )...!! | | الكاتب: سالم الرشيدي | | المصدر: شبكة بني عبس

[ميلاس]

‎
صح لسآن شآعرهآ
وتسلم ع الآختيآر الرآئع . .
‏ ‏

[نايف ابن عليثه]

لبى اللثام إللـي لبسك..ولبستيـه ....................ولبى العيون إللي سحرني..نظرها

اي ياللثآم :)

صح صح يآذوق ..

[رسام الغروب]

صح السانك سالم الرشيدي
تحياتي لك وتقبل مروري

[سهم عبس]

وحظ الغلام..إللي عرفك وعرفتيـه
....................في ليلة ٍ ظلمـى ونورك..قمرهـا

صح لسان الشاعر...!

[محمد الراشد]

من اجمل ماقرأت ياسالم

[مُخاطِرْ]

قـصيدهـ بقمة الروؤوعه...
.
.
ويسلم اختياركـ يالذيب...^_^
.
.
صــح لــسان الشاعر الكبير وتسلم يمينكـ ع النقل الرائع

[العريض]

‎
صح لسآن شآعرهآ
وتسلم ع الآختيآر الرآئع . .