[شامخ الشامخ]

السلام عليكم ورحمة الله وبركاته

للأمانة .. قد اكون قليل التواجد هنا .. ولكن ..
شكرا ً لـ من سأل عن غيّاب .. وشكرا ً لـ الوفيّ .. بشير الزبني .. وابن مدعثّ .. والجميع ..

مدخل لـ صمتّ .. يا راحلي .. :

لو تعسف.. أفكارك على سبر الأبيات
تجفل.. على بداية عبور المعاني
قلّ.. للجهل هذا شراع الحوارات
طفّ.. في شوارع شاطي" مادعاني
مُر الحروف,, و عدّ سبع الأشارات
وإلا .. عدّ ادراجك.. و لا تمر ثاني

نصّ القصيدة .. :

صوت الضجيج .. أكفان صمت انتظارات
وصمت الضجيج .. اعنان صوت الأماني
وباقي ذبول الأمس .. يرهق بي الات
وباقي ورى الاعماق .. حرف بلساني
تايه.. عرفت ان المحبه .. ظلامات
وأن الدجى منه الرحيل اهتداني
لو صافح الحاضر عتيق الحضارات
قال .. ايه انا حاضر .. خسرني زماني
مدري,, فقدت الأزمنة .. والمسافات
وألا كذا حاضر زماني .. نساني
اضفي على بحر انتظاري.. محيطات
حتى ذبلت .. وريح حزني خذاني
ياراحلي.. خلف البدايه نهايات
وقبل النهاية ,, تختصرنا المواني
شفني ,, سؤال وبالعيون اختصارات
لمجلد غيابك .. وحزن الثواني
شفني .. حملت الأمس مع ضيق الاوقات
مقبل .. على باب الجواب بكياني
عاكف.. على باب انتظارك ولاءات
أفتح شبابيك .. الحضور.. و ترآني؟
هذا وأنا..

هذا أنا مازلت.. زفرة وضيقات
وآفي.. رويت من العطش ما رواني
وينك معي كل الحروف.. احتمالات
إلا احتمال أنساك.. عشره ثماني
وين اتجه.. وبيدك لي اتجاهات
اخاف .. لو طيفك يجي ما لقاني
تبني لي الحيره.. ضياع ومتاهات
وأهجر مكاني.. واتجاهي مكاني
كم بالنداء .. نبرة عزا وانكسارت
وكم بالرضا.. صبري حزين وبكاني
مات الجواب.. وضاق صدر الاجابات
وشاب السؤال .. وطاح بين المحاني
حزن الشوارع.. والشجر والممرات
حسّ بكبر همي.. وقام وخذاني
درت المدن .. قبل القرى والمحطات
وصرت اهتمام .. الباديه والمباني
حزني .. ملأ بر السفر .. والمطارات
حتى الغريب .. يحس وش كثر اعاني
مدري كذا .. لكن بنبضٍٍ من الذات
كم ضاق لي .. شخصٍ غريب قراني
حتى قريت الكره.. كلمه.. وكلمات
مدري عشان الحزن.. والا عشاني
ذنبي.. كتبني واقعي بين الابيات
ماهو شعور اللي قرته المعاني
من صدّ كاره.. ما ألتفت له.. سلامات؟
بكره يعود.. يدور الذنب ثاني
ومن غاب يحمل للبياض .. الشعارات
اشوفني به.. قبل اشوفه مكاني
و
و
و اخيراً

مخرج لـ ضجيج.. يا رآحلي :

بأستديو الذكرى.. قوائم مسارات
فيها.. لك أنشودة وصوت وأغاني
اغرقتها.. بأرهف عميق العبارات
واطرقتها.. صوب الوفا والاماني

و آمل انها تلقى استحسانكم .. و " سلامتكم " ..

اخوكم ابو نايف

الموضوع الأصلي: 'إنشودة .. وصوت .. وأغاني' | | الكاتب: شامخ الشامخ | | المصدر: شبكة بني عبس

[عقيل الرشيدي]

صح لسانك شامخ الشامخ على هالشامخه تقبل مروري

وين اتجه...!وبيدك لي اتجاهات=اخاف لو طيفك يجي مالقاني

[بندر الذيابي]

صح الله لسانك أخوي شامخ

قصيده رائعه كما عودتنا فدائماً لك تواجدك الجميل.

تحياتي لك

[سعد بن عادي]

الله
الله
الله
ياحلو هالقصيده أعجبتني كثير

الشاعر المبدع الدكتور/ شامخ الشامخ

صح لسآنك مليون x مليون على هـ الرآئعه
أدآم الله وجودك وإبدآعك يا ابو نايف
ختم وتثبيت تستحق القصيده وشاعرها
ودمتم كما تحبون

[ميلاس]

‎
صح لسسآنك . .

‏ تسلم يمنآك وبإنتظآر جديدك . .

[ناصر الرشيدي]

ابو نايف

عندما تعزف على وتر الشعر

فأنك حقاً تغني معانات الكثير

قصيده رائعه

وصح لسانك

ونحن هنا بأنتظارك

.

[سالم الرشيدي]

وعليكم الســلام ورحمة الله وبــركآته
و
صـح السآنك وأع ـتلا شآنك
ج ـزله ووآفيه

[سحايب]

حزني .. ملأ بر السفر .. والمطارات
حتى الغريب .. يحس وش كثر اعاني
مدري كذا .. لكن بنبضٍٍ من الذات
كم ضاق لي .. شخصٍ غريب قراني
حتى قريت الكره.. كلمه.. وكلمات
مدري عشان الحزن.. والا عشاني
ذنبي.. كتبني واقعي بين الابيات
ماهو شعور اللي قرته المعاني
من صدّ كاره.. ما ألتفت له.. سلامات؟
بكره يعود.. يدور الذنب ثاني
ومن غاب يحمل للبياض .. الشعارات
اشوفني به.. قبل اشوفه مكاني

صح الســــانك وبيض الله وجهك
قصيدة احتلت عرش الابداع والتميز
صعب على مثلي كتابة كلمات اعجاب
بقصيده كلماتها وحروفها حملت الجمال
والمعنى الوافي بكامله محبي الشعر
ينتظرون منك الجديد ...
تقبل مروري