[ذبحني غروركـ]

وشتبي بـي ياغثـا البعـد يالليـل الهجـاد
مابقـى للقلـب هـمٍ يجـيـه ويشـربـه !

كان في راسـك معاند...تعبـت مـن العنـاد
أشطـب عنـاد المواليـف والكبـر أشطبـه

يوم غيـري حصّـل عـلاج قلبـه وستفـاد
أبـك أنـا قلبـي نخانـي ولاجبـت طلـبـه

أحسب أن الحـب لعبه...ورسمه...وعتقـاد
لانسيـتـه نـذكـره بالقصـيـد ونكتـبـه

مادريـت أن الغـلا مـوت ليـن البعـد زاد
أيهبـا فرقـا المواليـف لاشــب حطـبـه

والله أنـي كـل ماجيـت أبـازور الـرقـاد
تـدرج الأفـكـار للقـلـب لـيـن تعـذبـه

لاذكرتـه مانسيتـه وعـاد الشـوق عــاد
والبلا أن القلب يدري عـن سلـوم أعربـه

حدني عـن نـور عينـي حواسيـد العبـاد
وختلـط سـم الأفاعـي ...وسـم العقـربـه

أذكـره لاجـاوب الغـرب نسنـاس البـراد
ويتهيـالـي جـديـد القصـايـد وطـربـه

وأكتبه بحـروف قافـي وأغنـي له...أبعـاد
أعجبـه والعيـن بوصـاف خلـي معجـبـه

الوكـاد أن الغـلا زاد...والفـرقـا وكــاد
والبـلا قلبـي صعـب لكـن الحـب غلبـه

صرت مثل اللي غـرق بالبحـر مالـه قيـاد
يصـرخ الغرقـان للبحـر والبحـر نكـبـه

ياعذولـي منـت عاسـف شديـدات الجيـاد
والنجـوم الهاويـه فـي سمانـا مذنـبـه !

وش يهم الليـث لامـر مـن حولـه جـراد
لـو يمـره فـوق راسـه حشـا مايرهـبـه

المولـع مالـه الاّ ...رحـولـه والـشـداد
مايريّـح خاطـره ليـن يـاصـل مطلـبـه

لـو يهيـم الليـل كلـه ويطويـه الـسـواد
يقطـع الفرجـه ولـو كـان سرحـان قنبـه

جيت لك... يانور عيني... وشوقي ...والمراد
يالقصيـد اللـي مـن العـام عييـت أكتبـه

ياغلاي ...وديـم قلبي...وجوفي...والـوداد
أنـت مثـل المـال والمـال كـلٍ يرغـبـه

أشهـد أنـك نـور الأعيـان يانـور البـلاد
والمحـبـه ملحمه...والقصـايـد موهـبـه

من زمان القلب فـي ضيق...وهمال...ونكـاد
أنتظركـم ليـن طـول المشـاويـر أتعـبـه

البعـاد ان عاد...لاعـاد...لاعـاد البـعـاد
لعنبـوه البعـد خـرب قصيـدي وعطـبـه

من قبل كنت أكتب الشعـر وأشواقـي جـداد
وأنتبـه للشعـر والحيـن مـاعـاد أنتـبـه

أدفـر الأبيـات كله...مـن أسبـاب العنـاد
( لارحـم مجنـاه حتـى قصيـدي خربـه )

الموضوع الأصلي: جيت لك.يانور عيني وشوقي والمراد..يالقصيـد اللـي مـن العـام عييـت أكتبـه | | الكاتب: ذبحني غروركـ | | المصدر: شبكة بني عبس

[ميلاس]

‏ روعـــهـ
تسلـمـي ع الطرح ‏..

[ذبحني غروركـ]

ميلاسو
ياعيني وربي منورة ..~
لاعدمتك..~

[مذكر الرشيدي]

ذبحني غرورك

مبدعه بكل مواضيعك

مشكوووووورهـ والله يعطيك الف عافيه

[ذبحني غروركـ]

الابدآآع حضورك..~
الله يسعدلي آيـآمك...~
منور.

[مرزوق العجوني]

صح لسااان شاعرها ولا هنتي وتقبلي مروري وتقديري

[مرآهيش]

مآشآء الله ..

دآئم ذوق بانتقآءآتك

الله لايحرمنآ منكـ يآرب

دمتي لمن تحبين

[ذبحني غروركـ]

دآمت لياليكم يارب..~
نورتوني لاعدمت..~