[الرساله]

السلام عليكم ورحمه الله وبركاته


موضوع لقيته مهمه جدا للاخوات قلت انقله لكم




وصلني اميل ونقلته لكم ويآآآليت


تنقلونه وترسلونه لان فيه بنات كثـــــير لازم يقروا هالموضوع قبل يطيحون في يد ناس
ماتخاف الله



انا نقلته بكل كلمه فيه ما غيرت شي بنفس صياغه صاحب الموضوع


عشان يكون اكثر مصداقيه


اخليكم مع الموضوع .............















حمله بعنوان


كـمبيـوتري بـلا صـور !!!


ياعالم تعبنا وراكم . ولا تقال غير شغالين عندكم من غيرتنا على شرفكم


بحكم تواجدي بأحد المنتديات المختصه بالقرصنه {الهكر}


كل يوم وتجيني حاله بشكوى مفادها


واحد اخترق جهازي الكمبيوتر وسرق صوري الشخصيه وصوري الخاصه الحقو علي


طيب انتي يالي مانيب قايل . ليش مخليه صورك بالكمبيوتر؟


لعنبو عدوك المرايا ليش اخترعوها لكم .؟ مو لجل كل وحده تمقل عيونها بشكلها وترتاح


ليش يوم الحين رازه صورك بالكمبيوتر وش الي تستفيدينه من تواجد صورك بالكمبيوتر؟


عطوني سبب مقنع يخلي صورك موجوده بالكمبيوتر؟


هو فعلاً 'تقليد الأعمى يضر' وانتم تقلدون الشباب في هذا الشي .الشباب عامه


ماعليهم مشاكل . لو عرض صورته في اكبر موقع ماحد بيقوله يارجال هذا الشي عيب .

انتم وش مستفيدين من تواجد صوركم بالكمبيوتر؟


طيب بنفرض انك تبين تحطينها 24 ساعه بكمبيوترك انتي ليش ماتخلينها بسي دي


جانبي بعيد عن اكمبيوتر.


بحيث ان لو احد اخترق جهازك من الأطفال الي مايخافون الله ويتسلطون على اخوانهم


من المسلمين . ماراح يحصلون عندك شي . لا صور ولا غيره . خليه يسرق ايميلك .


شركة هوتميل توزع ايميلات ببلاش وبكميه غير محدوده .


بذكر لكم قصه حدثت من ساعه تقريباً وهذا الشي الي خلاني انفجر قهر من الي


اشوفه كل يوم .





جات وحده وقالت .
انا احبه ومقدر ارفض له طلب . ويبغاني اوريه صورتي وضحك علي بكم كلمه ووريته


صوره لي ولكن وجهي مو باين فيه .


وبعدين طلب مني اوريه صوره لوجهي ورفضت . واخترقني بدون علمي ولا ادري انه


اخترقني < طيب يا اختي الهكر مايقول انا بخترق وبدون انذار يخترقك .


قالت : وسرق صور لي وكل مايخصني من صور وصور لخواتي . والان يهددني اني


اواعده واطلع معه . او ينشرها !!>>>.مانيب مصدق ان الحب الكاذب للحين يمشي سوقه .


.......................


قصه ثانيه حدثت بدون حب وخرابيط . من الباب للطاقه .اضافه بطريقه مالك دخل فيها


تقبلين الأضافه او ترفضينها . يعني هو يضيف نفسه بنفسه . واخترقها .لقي صورها


اخذها وبعدين قلها انا سرقة صورك . انصدمت البنت من الي صار ولا تدري


من وين طلعت لها المحادثه .قال لها : بكره ابي صور بوضعيات لك جديده غير الموجوده عندي حالياً .


. طيب بلغي اهلك بالي صار .يمكن يقدرون يتصرفون بحكم ان فيه قصص كثير صارت


من قبل .وتدخلت الهيئه فيها والمباحث . والحين عقوبة الهكر


العقاااب..السجن سبع سنوات للهاكر في السعودية


يدرس مجلس الوزراء السعودي نظاما جديدا للإنترنت يتضمن فرض عقوبات من بينها


السجن وغرامات مالية تصل لـ 10.000 ريال على مخربي شبكة المعلوماتية (الهاكرز).


لا تجيني وحده تطمع بالمبلغ حق العقوبه . ترا المبلغ موب لكي انتي من بدري اعلمك ارتاحي لا تتهورين .


المهم قالت اهلي بيذبحوني لو عرفو .


طيب لو اهلك ماعرفو الحين وبكره شافوصور لك بجوالات العالم والمواقع الي في


الأنترنت . بيقولون هذي هي وزعت صورها .


بتقولين هذا واحد سرقهم مني. بيقولون كذابه لو انسرقت كان بلغتينا وش الي منعك مابلغتينا من البدايه ؟


لانها فعلاً شي وصار الي ذكرته فوق .


الهيئه . وتدخلت
اما وحده صار معها نفس الشي . وكلمت اهلها على الي صار . بدورهم الأهل بلغو

المباحث في الأمر . قالو للبنت خلاص واعديه بمكان وبنصيده .


صادوه وحكم عليه سجن وغرامه ماليه . وعشان يتطمنون اكثر . صادروكمبيوتره .


وجواله وصادرو كمبيوتر كل صديق للشخص هذا . لخوفهم انه مخلي من الصور نسخ


عند اصدقائه .


ويوقع تعهد انه لو لقيو الصور منتشره بعد عقابه او في وقت عقابه . راح يزيد مدة


السجن مع العقوبات الماليه والسجن لفتره اطول.



كل وحده تمسح صورها اذا موجوده بالكمبيوتر او صور خاصه وشخصيه لأي احد من اهلك


قانون الهكر لا يحمي المغفلين !!


وحده اول مره اخترقو جهازها وساعدناها بأستعادة صورها وفرمتة جهاز الهكر لضمان


عدم وجود شي خاص لها . وقلنا لها لا عاد تخلين صور لك بجهازك عشان لو اخترقك


مره ثانيه مايحصل شي


وانصدمنا انها جايه هالمره تشتكي مره ثانيه تقول نفسه الهكر مخترقها وسرق صورها وصور اخواتها .


رجعنا واخترقناه ولا لقينا شي!!!!!قالها : قولي للي ارسلتيهم علي الهكرز اني حفظت


صورك الخاصه الي سرقتها منك بفلاش مومري . واتحدى يوصلون له . ومو مصدقتني هذي هي صورك


ولا حصلت من الجميع الا الدعاء لها . والبعض ماقدر يمسك نفسه وقام يسبها سّب
من زود غيرتهم والقهر الي يشوفونه منها


في النهايه اقول الله يستر على بنات المسلمين . ويحفظهم من كل سوء

الموضوع الأصلي: الحقوني هكر اخذ كل صوري 00أبي مساعدتكم | | الكاتب: الرساله | | المصدر: شبكة بني عبس

[الهلاليه]

.
.
.

موضوع قيم
جزاكِ الله خير
و الله يعطيكِ العافيه

.
.
.

[shoeely ma]

وينه الهكر
والله لكسر راااااااااااااااااااااااااااااااااااااااااااااسة

هههههههههههههههههههههههههه

[مرآهيش]

اللهم استرني فوق الارض وتحت الارض ويوم العرض


اللهم استر بنات المسلمين واحفظهم من كل سوء

بالفعل موضوع قيم

جزاك الله خير

[مهرة]

الرساله ابدعتي كما عودتينا بمواضيعك المميزة وفعلاًٍ الكثير من البنات يجهلن خطوورت النت وسلبيااته ومن اكثر شي يقهرني ليش هالبنت اللي تشكي من سرقه صورها ليش حاطتهن من الاساس اتمنى افدتي الكثير ويعطيك العافيه

[عبد العزيز]

جزاك الله خير

حملة هادفة وان شاء الله يستفيدين منها البنات

[عبداللطيف العايضي]

الرساله

مشكوره موضوووع قيّم جدا ً الله يستر عواتنا وعورات المسلمين يارب

الهكر ظاهره خطيره جدا ً وتأثر منه ناس كثير

شكرا من القلب ع هالموضوع الجميل

تحياتي لج

[حنان الرشيدي]

موضوع هام ..
جزاكِ الله خير على نقله لنا .