[عبدالرحمن البراك]

تقبل الله منا ومنكم صالح الاعمال في هذا الشهر الفضيـل ،،،

اولاً اسأل الله العلي القدير ان يرزقهم من واسع فضله ويتمم علينا وعليكم الصحه والعافيه
وبما انكم تخرجتم وتحملون الثانوية والبكالوريوس ولم يأتي النصيب لتعينوا حتى الان

وبما انكم مواطنون سعوديون يحق لكم ممارسة التجارة بشتى انواعها !!!!!!!!!
طبعاً هذا حل مؤقت بدل القعده بالبيت حتى يرزقك الله بوظيفه

الفرص عندنا في البلد كبيره وكثيرة
والتجارة حره مفتوحه عندنا وماحولك احد .
ووزارة التجارة مشغوله بأخذ رسوم تصاديق واشتراك غرف تجارية على المؤسسات .
وليس هناك رقيب دقيق من التجارة ولا من البلديه ، بيع اي شي حلال بس بشرط لاتجيب العيد او تبيع شي مغشوش او مطوف .. لانهم سيسحبونك بأسرع وقت .

اما من ناحية الاسعار حط السعر اللي يعجبك ، فالمشتري له الحريه إما اشترى او توكل على الله ، وليس هناك جميعة تحمي حقوق المستهلك.!!! وإن وجدت فليس لها اي صلاحيات تذكر !
سوى تقديم شكوى وعلى وجهها .

امثله بسيطه ليست للحصر :
تقدر تشتري خضرة من سوق الخضرة بالجمله وتجي عند اي اشارة وشارع عام وتبسط ماحد يردك!!!! (وربحها زين بس تعب شوي )
خذ سيارتك الخاصة وكد ( تكس ) بالشوارع .. مو شرط ليموزين (_تطلع مصرفك )
خذ لك سيارة ددسن وانقل من سوق الخضرة لاي مكان بالرياض المشوار لايقل عن 100 ريال .
اشتر بضاعه من جده او من الجمله وابسط قدام اي مسجد وحرج على خمسه على عشره .
واهل الغربيه في مكه لو تشتري جركل ماء فاضي بريالين وتبيعه على المعتمرين بعشرة وعشرين .... اليس فائده ؟
- سمسرة بالعقار اي تسويق العقار بدون محل .
- سوق الحلال تبداء بمبلغ بسيط ويتوجب حضورك الفجر وجرب حظك .

ياخي صاحب محلات باجه حسب لقاء مره قريته عنه انه بداء كان يبيع فص فص عند المساجد سنة 2000 وابتداء اي قبل حوالي عشر سنوات والان لديه 37 فرع باجه ( الله يرزقه*) وهذا رزق حلال ومثل طيب للشباب

بس انت ابداء وتوكل على الله وسوف يرزق الله
اما تجلس بالبيت وتبي جهاز بلاك بيري وسيارة وانت لم تبذل جهد ، فهذه صعبه شوي وإن وفرها لك الغير .

غيرك يأتي من شرق اسيا وبلاد السند والهند وليس معه سوى شنطة ملابس ويصبح تاجر خلال سنه او سنتين بدخل شهري وقدره .!!!

نحن هنا في هذه الارض الطيبه نتميز ولله الحمد بالحريه التجارية فيجب ان نستغلها قبل ان تغلق علينا جميع المنافذ وتشدد العقوبات .
طبعاً هذا حل مؤقت وانت اسعى وقدم في كل دائرة لحتى تأتيك وظيفتك وبعدها لك الخيار .

بالنهاية اسأل الله لنا ةولكم التوفيق والرزق الحلال

الموضوع الأصلي: رسالة لإخواني العاطلين | | الكاتب: عبدالرحمن البراك | | المصدر: شبكة بني عبس

[عروة بن الورد1]

بارك الله فيك أخي عبدالرحمن
لكن اللي يسمعك وين ...
وإن سمعوك هل سيعلمون على ما تقول ولو مجرد تجربة
الشباب العاطلين اغلبهم مكبر المخدة وينتظر الوظيفة توقف على الباب أو يدور له واسطة من هنا أو هنا
العصاميين قليلين في زمننا هذا

[عبدالرحمن البراك]

اقتباس من مشاركة عروة بن الورد1 بارك الله فيك أخي عبدالرحمن لكن اللي يسمعك وين ... وإن سمعوك هل سيعلمون على ما تقول ولو مجرد تجربة الشباب العاطلين اغلبهم مكبر المخدة وينتظر الوظيفة توقف على الباب أو يدور له واسطة من هنا أو هنا العصاميين قليلين في زمننا هذا

الشاعر عروة بن الورد

اشكر اضافتك المثريه للموضوع ، و نأمل الخير بشبابنا

سلمت

[النقيشى]

شكراْ اخى وابصراح عندى اسبوع عاطل عن سرحت البل