[النمر1012]

يا موجةِ الاحلام ليش الفكـر إلـك عابـر سبيـل
ليش الغلط ياخذ مكـان الصـح ويضّيـع النجـاح
ليش الدموع الزرق تنزل من على الخـد وتسيـل
وليش النفوس اليوم مـا تقبـل عتـاب ولا مـزاح
يا موجةِ الاحـلام ليـش المكحلـه تحتـاج ميـل
والقافلـه تمشـي ولا تهتـم فـي كثـر النـبـاح
وشهو حصيل التجربه من واقـع المـر الاصيـل
وشهي نتيجة غرفة الانعـاش مـن بعـد الصيـاح
وشهو سبب سود الليالـي فـي عيـون أم القتيـل
لون بعض احيان طعـم الحـزن شـيً مستبـاح
هـذا زمـان العولمـه والعولمـه فكـرً دخـيـل
صار الهماج احلا وإلذ الطعم مـن طعـم القـراح
والمال ما عـز النفـوس اللـي يغذيهـا البخيـل
لو انها تارد علـى الجمـه وتشـرب مـن قـراح
لو انهـا فعيـون بعـض النـاس شـيً مستحيـل
ما هاجت الهيجا ولا عشنا على صـوت السـلاح
المرجلـه تبغـي ولـد والمعرفـه تبغـي عميـل
والضايعه مـا تنبغـا زادت مـع الهـم الجـراح
اللي يبـرد لقمتـه مـا بيـن صبـح وبيـن ليـل
ما ذاقها خايـف يجيـه المـوت والسـم الذحـاح
يا وقت أنا مالي عذر من واقعـي شفـت الهزيـل
وشفت المعاني تنتخي بالطيـر مكسـور الجنـاح
يا وقت أنا ما جيت اغيـر فـي مفاهيـم الخليـل
جيتك ولا ادري ليش جيت الا بعد صـار إجتيـاح
مدري ذكي والا غبـي والا مـع اهمومـي إميـل
ويافكرتي من وقتي اللـي كـل شـيً بـه مبـاح
ما أخترت اكون الشاعر اللي يكتب الهـم وذليـل
اخترت اكون إلك الفكر في غابـة اشبـاه الرمـاح
لن الفكـر همـه علـى هـم المشاعـر والدليـل
يطوي ملفـات العـذاب ويفتـح ابـواب السمـاح
وتعبت حرفي فالورق اطرد وراء الحلـم الجميـل
و صغت المعاني لجل اشوف النور في صدر الكفاح
على رضاء الذائقـه اسعـى وأنـا مانـي هبيـل
وان كانها ضاعت عساهـا فـي مهبـك يالريـاح
وان مات بي ِ شعري يموت بعز وشموخ النخيـل
لن الشعر حكمه وأدب في نظرت العاقـل وشـاح
يا موجة الاحـلام شكـرً زبـدة الهـرج القليـل
هذي هواجيس الفكر والفكـر مـا يـوم أستـراح
ماراق اللي من قصيد

الموضوع الأصلي: المرجلـه تبغـي ولـد والمعرفـه تبغـي عميـل والضايعه مـا تنبغـا زادت مـع الهـم الج | | الكاتب: النمر1012 | | المصدر: شبكة بني عبس

[ابن صقعان]

ليش الدموع الزرق تنزل من على الخـد وتسيـل
وليش النفوس اليوم مـا تقبـل عتـاب ولا مـزاح
لاهنت اخوي النمر 1012 على القصيده الرائعه تحياتي لك ولكل مبدع

[النمر1012]

من يقول ياخوي وبيض الله وجهك علي المرور العطر ويشرفني مرورك