[عبدالله معزي]

عبيدالله الابرص
[frame="1 80"]
[poem=font="simplified arabic,5,orangered,bold,normal" bkcolor="transparent" bkimage="" border="none,4,orange" type=0 line=0 align=center use=ex num="0,black""]
يابن معزي راحت جدادنا جرود= وسمولنا صارت نضافن جدادي
حدت بحال ماعلى حالها زود= حدت بحال ماعليها مزادي
قامت تحاولني على حكة العود= وانا بعير في يدي القيادي
متشوفتي يوم اسرح اشوي واعود= تقول منجومن عن الدرب غادي
سعدا تلوم سعود في غفلة سعود= على الجواد ووارثين الجوادي
تقول تكفى تجمع البيض والسود= ياشاعرن شعرك زناده زنادي
شعرك ترا شعرك فوايد هل الفود= مقعدك متعلي وهيجتك وادي
نسد فيك سدود ونفجر سدود= انت السداد الي يسمى سدادي
غابتك فيها سباع وافهود واسود= وواديك منه يفيض مليون وادي
واتقولي قله على حيودي شهود= ماهي شهودن بالورق يابلادي
يبلاادي انت تجود وتجود وتجود= لاكن انا لازلت بيض الايادي
تنعم بك خدودا وتلطم بك خدود= ولاتعاند الي مهو قد العنادي
خصمك كريما ياجد الحلم مقرود= واله سروج مهار واله شدادي
وقصايدي ماهي سواليف نمرود=انا بعير وفي ايدي القيادي
الشعر له وجهه واله وقت وحدود= ندا ندا يبلادي انا انادي
[/poem][/frame]


عبدالله معزي

[poem=font="Simplified Arabic,5,orangered,bold,normal" bkcolor="transparent" bkimage="" border="none,4,coral" type=0 line=0 align=center use=ex num="0,black""]
قال الذي يرقى على نايف الطود = واله على طرق المثايل مبادي
العرف ياهل العرف لازال موجود = ولازال فينا شامخ المجد بادي
فينا الشهامه والكرم وايضا الجود = ولازال ينبض بالعروق الطرادي
اليا سمعنا لولشة ناعم العود = كلن تعلى فوق ضهر الجوادي
نقدح فتيل الحرب لعيونها السود= لين يتساوى كل شيأ رمادي
ونفرح ليا من ثار دخان بارود = ونرقص على نغمات دح الهنادي
لاصار يوما فيه شاهد ومشهود = والريق يبس وسال بالدم وادي
عاداتنا والعلم مثبت ومسنود = لوماحكيت ابها حكاها الجمادي
لوتنشد النقره وعن قصة الذود = الي عليها وسمنا غصب سادي
ولو تنشد الدبه وعن بندق العود = كب قبر صنديدا بهاك السوادي
ولو تنشد شريفه وعن كم مقرود = الي ذبحناهم بهاك الحمادي
حنا نقود جيوش وندرب جنود = جحافلا الى الابد ماتبادي
يصاحبي مالي بحمدان وحمود = انا جمل ولا اخضع للقيادي
انا جمل طيب معرب ومهدود = متبينا فعلي نهار الهدادي
والشعر له معنى ومغزى ومقصود = صدى صدى يبلاد صوت المنادي
[/poem][/frame]

الموضوع الأصلي: (صوت وصدى)مراد بيني وبين الشاعر عبيدالله الابرص | | الكاتب: عبدالله معزي | | المصدر: شبكة بني عبس

[الحجاج ابن يوسف]

صح لسانكم بس ياخوي الكتابه صغيرره مره وتخبر
بعض الاخوان شيبان والشوف وسط
آمل التعديل

[بنت أبوهــا]

سعدا تلوم سعود في غفلة سعود ** على الجواد ووارثين الجوادي
تقول تكفى تجمع البيض والسود ** ياشاعرن شعرك زناده زنادي
شعرك ترا شعرك فوايد هل الفود ** مقعدك متعلي وهيجتك وادي
نسد فيك سدود ونفجر سدود ** انت السداد الي يسمى سدادي


***


نقدح فتيل الحرب لعيونها السود ** لين يتساوى كل شيأ رمادي
ونفرح ليا من ثار دخان بارود ** ونرقص على نغمات دح الهنادي
لاصار يوما فيه شاهد ومشهود ** والريق يبس وسال بالدم وادي
عاداتنا والعلم مثبت ومسنود ** لوماحكيت ابها حكاها الجمادي

ــــــــــــــــــــــــــــــ

الله الله

صوت وصدى رائع

صح الله ألسنتكم

:)

[البعيد الهادي]

مفردات رائعه
ومجاارات اروع
صحة السنتكم جميع
وبيض الله وجهك ياابو ري
ودمت بحفظ الله جميع

[كاتب الرشيدي]

صدى وصوت

صحت السنتكمك

امتعتونا لايطوووووووووووول غيابكم

شكراً لك يابو معزي

[سعد عشق العتيبي]

الله الله

صح لسان الشاعرين وبيض الله وجيههم ..

والشعر اله معنى ومغزى ومقصود .......صدى صدى يابلاد صوت المنادي.

[امرءالقيس]

ندا ندا يبلادي انا انادي


صدى صدى يبلاد صوت المنادي


صح الله السنتكم

[البطريق]

الله الله الله
جميل ومعنى اجمل