[ناصر خنيفر]

اسمع العلم اسمعه

امبراطور الكلام اللي يومي في عباته= دايمن ينشد عن العمده ولادري وش يبابه
لقبوه بشاعرٍطيب ولا هاذي صفاته= امبراطور الشعر لامنه حضر يحسب حسابه

الموضوع الأصلي: تعال يامبراطور الكلام | | الكاتب: ناصر خنيفر | | المصدر: شبكة بني عبس

[ناصر خنيفر]

يالله على بابك يافتاح الابواب مافيه شاعر الدردش معه هالضحويه وينكم ياهل الضحاوي

[كاتب الرشيدي]

اقتباس من مشاركة ناصر خنيفر اسمع العلم اسمعه امبراطور الكلام اللي يومي في عباته= دايمن ينشد عن العمده ولادري وش يبابه لقبوه بشاعرٍطيب ولا هاذي صفاته= امبراطور الشعر لامنه حضر يحسب حسابه

ارحب تراحيب الكنه اليوم يابو تركي شكله من ايام الكنه وإلا وايش رايك

انت كبيرنا والكبير الله افدنا

صباح الخير

[ناصر خنيفر]

اقتباس من مشاركة كــــاتــــب ارحب تراحيب الكنه اليوم يابو تركي شكله من ايام الكنه وإلا وايش رايك انت كبيرنا والكبير الله افدنا صباح الخير

ارحب كويتب انت على قيد الحياه وين ربعك المشعوذين المعزب وناصر الشويلعي والشامخ وعبد الباري وابا الخلا مالهم شوفه عس ماحد مزعلهم

الكنه باقي عليها شهر حسب كلام عالم الارصاد الجويه وضاح الايمن هههههههههههه

[كاتب الرشيدي]

اكلتهم بالحرووووووووووب ههههههههههه

والله علمي علمك لكن يجيبهم الله
ماعلمتني عن الكنّه هي داخله

[ناصر خنيفر]

يقول بن عملك ياكاتب على طاري الكنه

وحالي اللي يابسه تقل شنه= نسوها اهلها ماطووها على الين
ولا خلوجن في لواهيب كنه =على ولدها لاعها الحزن والبين
على حبيبن يوم يضحك بسنه =درت بحر تشرى بالاف الملايين
جمالها لخفرات مايملكنه = مصوره منزل تبارك وياسين

[ناصر خنيفر]

دوجت بديار الاكارم ولاشفت= ماشفت لربوعي قبل شهر عينه
ماغير كاتب في ردوده تشرفت= ماغير انا وياه وسط المدينه
لوكان ابه مشكل عليهم تصرفت= انا وعقيد القوم راع السفينه
لكن قفوبالخطا ماتعرفت = والله هو اللي عالمن بالضغينه
من فقدهم تبا الحقيقه تخوفت=دقات قلبي مثل دق المكينه
صار العوض شعاريامن بداء زفت = اما كسر ولاالملا مايعينه

قيلت هذه الابيات بعد فقدان المعزب وعبد الباري والسبع الضاري وناصر الشويلعي والمحاربين القداما

[البرمكي]

اقتباس من مشاركة ناصر خنيفر دوجت بديار الاكارم ولاشفت= ماشفت لربوعي قبل شهر عينه ماغير كاتب في ردوده تشرفت= ماغير انا وياه وسط المدينه لوكان ابه مشكل عليهم تصرفت= انا وعقيد القوم راع السفينه لكن قفوبالخطا ماتعرفت = والله هو اللي عالمن بالضغينه من فقدهم تبا الحقيقه تخوفت=دقات قلبي مثل دق المكينه صار العوض شعاريامن بداء زفت = اما كسر ولاالملا مايعينه قيلت هذه الابيات بعد فقدان المعزب وعبد الباري والسبع الضاري وناصر الشويلعي والمحاربين القداما

هههههههه غريبه يالعمده تقتلهم وتبكي عليهم هذولا راحو مع اول طفيحه ايام الحروب اللي
حصلت بينا وبينهم ادعلهم بالجنه
صح السانك