[رياح الشرق]

من افضل الطواريق اللي اعجبتني في حفل ابن مسيلم بالرغم من كثرة الشعراء


ناصرالمرسال

يامرحبا باسم الامير اللي جمعنا بالكويت / ابن مسيلم والامارة قدها وقدودها


يابو محمد جيت لكن عن مجيك مادريت / ولافرشت الارض بااقاتن تفوح ورودها


القرقاج

تبقى ويبقون الشيوخ اللي لهم هيبه وصيت / باسمي وانا امثل رجال ن تفتخر
بجدودها


وراك ماتدري وانا لولى بني عمك ماجيت / الله يصبرنا على بيض العلوم وسودها

المرسال

سبحان من نشاك يانون من المنشاء نشيت / عسى الديار البيض من ماطرك يخضر عودها



العام بقلوب الاوادم قلب حئ وقلب ميت / واليوم ماشاء الله ياطيب قلوبها وكبودها



القرقاح


ماهو بلازم ندخل بيوت المدينه بيت بيت / بعض البيوت ان جيتها مره معاد اتعودها


ياناصراللي ينصر الله مير لامنك غزيت / عساك تقدر تاصل القوم وتروح بذودها

المرسال

لو احسب التجار بالاسواق مابعت وشريت / واهل التجارة عارفينن نقصها من
زودها


يابو محمد في زمانك وش خذيت وش عطيت / كم صفقتن بالسوق ربعك يبرمون عقودها

القرقاح

غصتني العبره ولكني ياناصر مابكيت / ترى السبايب حنة الخلفه على مفرودها


معاد يلحقني ملامه بعد ماطفت وسعيت / واقف مواقيفن تشرف والرجال شهودها

المرسال

انا جبل ومن الهبايب يابن ريفه ماشكيت / والعاصفه صم الرواسي ماتهز حيودها


عز الله انك هرش وتشيل الحموله لارتكيت / لابارك الله بالجمال اللي تعض عضودها

القرقاح

انا بغيت ارسل لك رساله تنبهك ونسيت / لن الرجاجيل الصريحه ماتزل احدودها


ان جات وان راحت عساها فدوتلل كمبليت / عسى الحبال اللي تعقدها تحل عقودها

المرسال

من خلقتي ماخطي وذا جتني خطيه مارضيت / والشك من طبع النفوس اللي قليلن فودها

قالو لي اترك خوة القرقاح واليوم انتهيت / ام الرسن كل ن يحب يسوقها ويقودها

الله الله بالردود الطيبه ودعولي

الموضوع الأصلي: من حفل بن مسيلم القرقاح والمرسال طاروق روووعه | | الكاتب: رياح الشرق | | المصدر: شبكة بني عبس

[على هونك]

يعطيك العافية مشكور ع النقل

[رياح الشرق]

الله يعافيك ماقصرت منور منور يالحبيب

[بوتفليقه]

ماقصرت ابيض وجه
طاروق عال العال

[عويض بن شامان بن خلف]

لو احسب التجار بالاسواق مابعت وشريت / واهل التجارة عارفينن نقصها من
زودهاالله عليك يابووليددكتورشعر
معاد يلحقني ملامه بعد ماطفت وسعيت / واقف مواقيفن تشرف والرجال شهودها

الله يابومحمدصاحب المعنى
شعارمبدعين وجزلين ومحاورة جزله بين كبار
شكرعلى النقل لاهنت

[برق الشمال]

مشكور بارك الله فيك طارووق روعه لشاعرين كبيرين الشاعر ناصر مرسال شاعر متمكن

[ابوشوشه]

صح لسسسسانهم
ويعطيك العافيه على النقل :)

[مزن تهاما]

محاورة ولا اروووع
مشكوووور على النقل ياريح الشرق