[المغرم اليائس]

شاعر شاب اجاد ان ينتشل اجمل الحروف من سماء الابداع ,,,
ليصوغ لنا درر متماسكة تغري كل من سقط نظره عليها,,,,
صدود متوالية من الحبيب ومحاولات جاهدة من هذا الشاعر لنيل رضاء هذا الصغير المتمرد على عرش الغرام,,,
بندر علي الذيابي,,,
وقصيدة ولا اروع,,,


اذكرني ياناسيني!!

حبيبي كافي من البعد ومن اللعب بالأعصاب=ترى ماعادلي قدره ترى مافي يكفيني
علامك كل ماحاولت أجيك تقفل الأبواب؟=وأنا اللي كنت أقول انك مثل ماأغليك تغليني
أنالأجل أكسبك ياصاحبي ضحيت بالأصحاب=وبعت اللي وراي ودوني وجيتلك بيديني
أناديلك متى ترجع ونفتح للمحبه باب؟=متى قلبك يحن ومثل أنا ماأعطيك تعطيني؟
ترى مليت من طرد السراب وغيبة الأحباب=ومن كل الدروب اللي على الفرقا توديني
أنا من كثر ماشلت الحزن والهم راسي شاب=وصار الحزن صاحب درب وأصدق من يواسيني
حبيبي خاف ربك عاد واحسب للغرام حساب=أنامازلت أناديلك وتارك من يناديني
مدام انك كسبت الـحب والتقدير والإعـجاب=وصرت أنت الوحيد اللي من الجنسـيـن يعنيني
دخيلك عاد لاتقعد تدور للغياب أسباب=ولاتحاول بسيف الهجر تقتل فرحة سنيني
طلبتك مدلي كف الوصل كافي جفا وغياب=جد بوصلك ولاتبخل علي ولاتخليني
تعال ووضح الصوره ولاتخشى ولاترتاب=تعال إصدق معي بالحب وأذكرني ياناسيني
وبلاش من التغلي والجفا واللعب بالأعصاب=<حرام> البعد ينهيك و<حرام> البعد ينهيني

شـــــعر/
خـوي الـطـمـوح00
بندر علي صالح الذيابي,,

الموضوع الأصلي: خوي الطموح وابداع متجدد,,اذكرني ياناسيني!! | | الكاتب: المغرم اليائس | | المصدر: شبكة بني عبس

[مسندالعويمري]

وبلاش من التغلي والجفا واللعب بالأعصـاب

<حرام> البعد ينهيك و<حرام> البعد ينهيني


المغرم اليائس


بيض الله وجهك على نقل الا بداع في هذا المنتدا

صح السان الشـــــاعر بندر علي صالح الذيابي

[سعد الرشيدي]

المغرم اليأئس

تسلم على نقل هذه القصيدة الجميلة

وصح اللسان الشاعر وعز الله انه مبدع

اخوك سعد

[سعد بن عادي]

أخوي العزيز المغرم اليائس

روعه الكلمات وجمال المعني متوفره في القصيده وتستحق النقل بلاشك

وشاعر هذا القصيده أجاد وأبدع صح لسانك ولسان الشاعر بندر بن على الذيابي


سجل أعجابي
دمتم كما تحبون

[الهنوف]

صح لسانك ولسان الشاعر بندر

قصيدة بالفعل جميلة

شكرا لك على النقل ووفقك الله..

دمت بخير
أختك الهنوف

[الاجهر]

رائع دائما بحروفك وباختيارك
دمتم بود