|
خيارات الموضوع | ابحث بهذا الموضوع |
|
السلام عليكم ورحمة الله وبركاته
يسعد مساكم ويسعد صباحكم والقلب ينبض غلاكم تعميم وقرار: يعين وضاح سائق لدى الابل بدلا من قهوجي بالديوان يبلغ الامر هذا لصميدع راس لتنفيذه هههههههه تعلمون ان وضاح اليمن يشتغل بالديوان عندي من العام وله جهود مباركه في خدمة الضيوف وماقصر ورجال مرحباني بالضيف ويجيه يعدي بالدله المهيله لكن تعلمون ان الان وقت الربيع ونحن في حاجة وضاح اليمن لانه يجيد السياقة ولديه رخصة عمومي وعطيناه وايت(تنكر) الماء المور سدس لكي يارد على العدود اللي حولنا لكي يزود الابل بالماء وهذه ابيات متواضعه تعبر عن ذلك: هذا قرار نعلنه هذا هو الراي المصيب=ماهو كلام اهل الفراغ العالم المتسليه وضاح سواق يودي للدبش ماي ويجيب=والحمد لله جات وضاح اليماني ترقيه صبر وجاه اللي مقدر له وحض له نصيب=وهبه من الرحمن وهاب القلوب التوعيه واليوم مبسوط ويضحك والشغل مافيه عيب=والبرمكي سمع الخبر ويبادله بالتهنيه هههه من بعد ماهو داخل الديوان ويرحب رحيب=ويسوق فنجال الدلال الصفر للمتعنيه ههه خطارنا وضيوفنا اللي قدرهم قدر مهيب=عوايد بين العرب امن العصور المبطيه قدمت له مفتاح مور لجل عين ام الحليب=يارد على عد الروى ماهوب شيب التحليه من فوق مور لاسرح صوته مع الطرقه عجيب=يبري جروح اللي جروحه كايده مستعصيه مرباعنا مابين نفد وحره وضلع وشعيب=بارض خلا ماهيب حول المدن مابه تغطيه ووضاح من بعد المدن يرقد على صوت القنيب=عوي الذياب اللي يزيده صبر مدري تقويه في ضل شيخ من سلايل عبس مودعت الحريب=طعام لطيور السماء متغديه متعشيه هههههه الموضوع الأصلي: اعلان وتعميم من العمدة الثاني اخو صلفه وفيه: ترقية وضاح اليمن | | الكاتب: اخوصلــــفه | | المصدر: شبكة بني عبس
آخر تعديل بواسطة اخوصلــــفه ، 25-04-2010 الساعة 01:38 AM.
|
|
صراحه شبت النار
وقصيده قويه والافضل تهنئية البرمكي له بهذا المنصب الجديد
|
اللي الشرف سواق وانظر بالمرايه للحبيب= ونزله بالسوق وشلع مع ضعون البدويه وانته مع البل منقلع عساك تبطي بالمغيب= وانا صليفه يارقت انومه في جنبيه هههههههه وجهك من البرد وحراره تقل محرق في لهيب= وانا على زل وقطن عشاي تيس ومنديه ان طابلك ذا العلم ولا يالاعله مايطيب= هذا هو الوقع يافندي فارقتك الفنديه مابين صلفه والحماه نهزع الغصن الرطيب= نوب اتوسد زندها ومره توسد زنديه وانته مع الجرب الهزالا لاتود ولاتجيب= مشروبك الشرب المحرم مع جراك السنديه قعت تنبش ونكشف من فوقك العلم المعيب= وصبحت مثل الكوره اللي تنلعب بالانديه
آخر تعديل بواسطة ناصر خنيفر ، 25-04-2010 الساعة 01:31 PM.
|
|
مابين صلفه والحماه اهزع الغصن الرطيب = نوب اتوسد زندها ومره توسد زنديه |
صحت السنتكم قالتلك ياخو صلفه لاتحرث الجمر
وجهك من البرد وحراره تقل محرق في لهيب= وانا على زل وقطن وعشاي تيس ومنديه
|
الله يعزك يالزيدي قال هي خربانه خربانه وخربها هههههههههههههه
صح السنتكم شعار كبار يتبعهم الغاوون خخخخخخخ |
|
سيدي العمده اسمحلي انا منتدب من قبلكم سايق عند عائلة اخو صلفه اشكرك على المرور
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
وضاح اليمن يطلب من اخو صلفه التنازل | وضاح اليمن | منتدى المحــــــــــــــاوره | 21 | 25-04-2010 01:45 PM |
جدة وضاح اليمن تتوسط عند اخو صلفه لزيادة راتب وضاح اليمن | صميدع راس | منتدى المحــــــــــــــاوره | 20 | 24-04-2010 12:30 AM |
العمدة الثاني اخو صلفه حضر تعالوا هناااااااااااااااااااا | اخوصلــــفه | منتدى المحــــــــــــــاوره | 9 | 25-03-2010 04:16 PM |
ارحب في عودة العمدة الثاني اخو صلفه | صميدع راس | منتدى المحــــــــــــــاوره | 11 | 26-12-2009 03:37 PM |
العمدة الثاني اخو صلفه يبحث عن نائب ومساعد/ عاجل | اخوصلــــفه | منتدى المحــــــــــــــاوره | 15 | 07-09-2009 04:42 PM |