[مشعل الخياري]

هذه المحاورة جرت في قاعة أشبه بقصر الأفراح وكان حاضرا فيها صياف الحربي ورشيد الزلامي وجارالله السواط وغيرهم من الشعراء الكبار يتقدمهم العملاقين طرفي محاورة اليوم خلف بن هذال وأحمد الناصر الشايع وأظنها كانت في بدايات مهرجان المغتره (المعذره هناك أول بيت لخلف ليس لدي في الشريط)


خلف

جلسة الوافي المحبوب هي مقصدي*** واحمد اليوم سيدها وسلطانها



أحمد الناصر

مرحبا فيك سيرها واقول بعدي*** عد ما ينثر الما ناشي امزانها

إن زهمني رفيقي قمت اغير جهدي*** والمعاني وساع كل بيبانها



خلف

أبشر اني على عهدك وابا اعدي عدي*** وامسك الطايرات بروس جنحانها

وش حصل في يديك ووش حصل في يدي*** من ذلول تخض المرح ببطانها


أحمد الناصر

قالوا انك ركبت العام فوق ستدي *** ثم خربت شاصيها وسكانها

ما بقى الا الرفارف سالمه والبدي *** شفت دخانها مع راس شكمانها


خلف

ما تعديت من حدك هذا مقعدي *** ما يجيب المشاكل غير شيطانها

لو اسوق المواتر كان شفت سعدي*** مع رجال تقص الدرب باعيانها


أحمد الناصر

أنت ما انت بعلى كثر الخراب محدي*** رح في شانك وخل الناس في شانها

بين سهيل بين والقمر والجدي *** والثريا تعرف الناس عنوانها


خلف

كيف ابا ارقد واشوف النار في مرقدي *** فتنة تلحس النيام بلسانها

كان تطبخ كثير الناس تندى ندي *** تلحق الكير والقصدير ذرعانها


أحمد الناصر
كل من تاه عن دربه تراه يغدي*** والعرب تعرف الفاضي ومليانها

نار واره قريبه تاصل الاحمدي*** يالله امطر على واره ونيرانها


خلف
كل من تاه عن دربه تراه يغدي *** لين يركب على الصبه وعمدانها

لو طفت نار واره فالطريق تغدي *** تاكلك ضبعة الساحل وسرحانها


أحمد الناصر

يارجال اسمعوني يانجوم اشهدي *** صاحبي شنها غاره بميدانها

وده الناس تقعد فالبلاد رتدي *** تطلب الله وتطلب فضل عمانها


خلف
غارة ما تضر اهلي وحد بلدي ***محتميكم عن الغاره وعدوانها

لك ولد خال راضع من رضاع ولدي*** يالله استر على الجاره وجيرانها


أحمد الناصر
أما انا ماسك برقي وحس رعدي *** كل عين تواجه عين ديانها

الله اللي يضل اللي خلق ويهدي*** وكل سلعه تراها وسط دكانها


خلف

معك اراده وفي تالي مطرك بردي *** مزنتك يخلف العقال ربانها




وتقبلوا تحياتي

الموضوع الأصلي: خلف بن هذال واحمد الناصر | | الكاتب: مشعل الخياري | | المصدر: شبكة بني عبس

[ناصر الخياري]

تسلم يامشعل ..
صح لسان الشعراء ..
والله يطول اعمارهم ..

[خالدالقصاني]

مشكور مشعل على هذا الاختيار الجميل
وصح السان الشاعرين خلف هذال وأحمد الناصر

[مشعل الخياري]

الله يسلمك جميع

ومشكوورين علي المروووووور