[ابن مدعث]

‏.
‏.
‏.
القصيدة من عنوانها في ربعي (بني رشيد..عبس)
‏.
عساها.. تجملني .. عندهم
لو إني .. أعلم بأنهم
أكبر من الشعر .. والفكر ..
‏.
فأستميحهم عذرا"
‏.
وإطرحها هنا .. في قلعة المجد و التاريخ
‏.
(شبكة عبس)
عسا أن تنال رضاكم
‏.
‏.

تموت في وجه الصحيح المعاذير=لا صرت عن جم أشهب الهيم صايم
مطمن الهامة قبيح التعابير=اللي تربى في يدين الهلايم
يسوقني للحق عقل وعياطير=وصغايتن لمحصنين الذمايم
فأن جيت به خير تراكم على خير=وأن رحت به ماغضت بيض العمايم
ربعي سلايل عبس صفوة مشاهير=باقي تباريح الدهر والظلايم
ربعي بدايات الشيم سادة الغير=يومن حكم السيف بالناس قايم
نرخي على المخطي بحده زمهرير=أما يتوب أو ما علينا لوايم
هداتنا تفزع قلوب المناعير=والموت يثني صاملات القوايم
ولا ثار نقع المعركة بشر الطير=تشبع بطلقين الرجال الرخايم
ياماحلا شوف الأعادي مدابير=وطشاشهم كنه طشاش القمايم
وأن جات للفزعه نعيم المعاثير=سيوفنا قبل المنادي ولايم
جولاتنا بالطيب فوق التقادير=شف كم عمر الوقت وألك العلايم
فينا الكرم ماهو على شان تقرير=سلم ن لنا وجدودنا بالقدايم
لله نعطي ما نحسب مخاسير=دايم لطاعة من رزقنا لزايم
قوم نزين أن شان وجه المقادير=بيض النوايا قاطعين الخرايم
بني رشيد ان ساد مرج الأساطير=أفعالنا مسك التواريخ دايم
وكل القبايل في ذرى فعلها تسير=ولها من قسوم المعزه غنايم
والا الردي رداه ما هو على الغير=يشيل حمله يوم بعث الرمايم
واليوم مال الشر حكمه وتدبير=الخير ساد ومثور الشر نايم
من يوم أبو تركي هجدها على العير=وأصبح مدير الشر بالدم عايم
فاحت بجيان الرياض النواوير=بس أمطرينا بالرخا يا غمايم‏





أخوكم

محمد بن مدعث

الموضوع الأصلي: <.(..عبس..بيض العمايم..)> | | الكاتب: ابن مدعث | | المصدر: شبكة بني عبس

[سهم عبس]

صح لسانك
ولاهنت

[سالم الرشيدي]

صح لسـانك واع ــتلا شانك
وبيض الله وجهك ولاهنت يالغ ـلأأ

[برق الوسم]

الشاعر / محمد بن مدعث
صح لسانك واعتلا شانك ...
قصيده وافيه تستاااهل الختم وبني عبس يستااااهلون
لاهنت .... وبيض الله وجهك ..

[شداد المظيبري]

صح لسانك
عالقصيده الجزلة

ننتظر المزيد

[ابن مدعث]

سهم عبس .:. سالم الرشيدي
شكرا لكما ع هذا المرور الرائع...

برق الوسم.،
شكرا لك على مرورك وتختيم القصيدة.. أخي العزيز
وهذا من رقيك الشعري .
تحيتي
محمد بن مدعث

[كاتب الرشيدي]

صح اللسانك يابن مدعث

على هذه القصيدة الجميله


وكفو والله