[العازف]

محتاج لك بأدفّي يديني من ملامس يديك

هالثانيه بالضبط ما أظن الشعور يفوتها

عندي قصيده ودّها من خالص إحساسي تجيك
حتى معانيها تبي تاصلك .. قبل بيوتها

قصيدةٍ يرجع سبب تركيبها منّك وإليك
وانت تعرفها من ملامحها وبحّة صوتها

ياللي بديتك شوق كيف أشواق قلبي تنتهيك
وأحلام عمري لا فقدتك ترجع لتابوتها

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها

لا جيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها

كم لي وأنا أنادي عليك آمال عمري وأحتريك
وكم لك تجيب أعذار من زرق البحور وحوتها

مع كل هذا .. والله إني مشتريك وبأشتريك
وأحسد عليك ........ .......جوّها وبيوتها

لا تكثر ظنوني عليّ .. وتكثر ظنونك عليك
نفسي فراقك ضيم حالتها .. وقربك قوتها

أموت لك \ أموت منك \ أموت معك \ أموت فيك
ضع خط .. تحت الموته اللي تعجبك وأموتها















يــــــــــــارب ذوقي يعجبكم,,
لأنو أكيــــــــــــد آرآئكم راح تعجبني ..




.

الموضوع الأصلي: أموت لك أموت منك أموت معك أموت فيك | | الكاتب: العازف | | المصدر: شبكة بني عبس

[فهيد الشويلعي]

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها
صح السانك

[يوسف الصامل]

صح لسااانك
مبدع دااااايم
اخوووك :: عبدالمجيد سعود

[مالك الصامل]

العازف قصيده رائعه




سلمت اناملك اخوي ,,

[سعد محمد]

صح لسانك يا العازف على هذا لابيات الرائعه

ولا تحرمنا جديدك اخي ’’’

[العووضي]

قصيده جميله لاتحرمنا من ذوقك الرفيع

[ســـمو الأمير]

صح لسانك اخوي العازف

[ولد حايل]

أموت لك \ أموت منك \ أموت معك \ أموت فيك
ضع خط .. تحت الموته اللي تعجبك وأموتها



صح لسااانك