[الشاعر المجهول]

سلام مني يارجال المهمات=ياعبس ياعبس الوفا والمروات
هذي هدية من صغار الهديات=من شاعرا مجهول يفخر بماقال
ياهل الوفا من وقت عهد الصحابة=انتم هل الوقفات وقت الحرابة
دخيلكم كنه من اقرب قرابة=يسلم ولوهو ذابحن الف رجال
انتم سلايل عنترة والبطولة=اللي خذا بالفعل صوله وجولة
صيتة يشاع بكل عصرا ودولة=هذا الصحيح وكلمه الحق تنقال
خاويت انا منكم رجالا كثيرة=مافيهم اللي غير البعد سيرة
العلم غانم والنوايا بريرة=افخر بخوتهم على مر الاجيال
خاويت ابن براك سقم المعادي=وابن ضري والمقوعي وابن هادي
والعجوني راع الكرم والمبادي=هذي الحقيقة مابها ايه جدال
وختامها مني سلام وتحية=لرجال عبس الطيبين الوفية
اهل الكرم واهل الوفا والحمية=من شاعرا مجهول يفخر بما قال

الموضوع الأصلي: اهداء الى عبس الوفية | | الكاتب: الشاعر المجهول | | المصدر: شبكة بني عبس

[كاتب الرشيدي]

هلابك يالشاعر المجهوووووووول

قصيدة رائعة صح اللسانك

بس تراي عدلتها
وايش رايك

وماااااااااااااااادري هل فيه مقدمة
ارسلها لي كان التعديل عندك ألتغى

[هيون]

العلم غانم والنوايا بريرة
افخر بخوتهم على مر الاجيال
صح السانك ويستاهلون
والنعم فيهم وفيك
تقبل مروري

[الشاعر المجهول]

صح بدنك
مشكورة اختي

[المميز]

صح اللسانك

ويستاهلون عبسسسس

[المرقاب]

صح الله السانك

وقصيده طيبه

ولاهنت

[ناصر خنيفر]

مشكور قصيده جزله نشكرك

[العاقل]

صح السانك ويعطيك العافيه
والكلام الطيب مايجي غير من الطيبين شرواك