[مسندالعويمري]

السلام عليكم ورحمة الله وبركاته
للجميع تحيه وشعر

عندما يتكلم الشعر

وتحترق الجمل

وتمتزج المعاني بالعبارات؟؟

عندها فقط.. يصبح الشعر..
هو لغة العصر..

علاجك ياهمي كل ماجيت راس الحيد = اهوبل على نفسي واجر الهجينيه
لو الجرح ينزف من شرايين دم يزيد = ابا اخفيك ياهمي ولا عرف وش فيه
اعيد بوقت العيد في ملبس(ن) جديد = ولاسجد الغير الله بحسنه ولا سيه
على نهج واضح لا مجادل ولا ترديد = وحسم القرار بكلمتين(ن) نهائيه
ولو سادت السادات سيد وساد وسيد = على اثارهم نقرا راويه اسطوريه
نهايه هرم شامخ وليل(ن) وفك القيد = وبدايه حبر والوان وحروف شعريه
ومعالم على سطح الطبيعة بلا تحديد = وخيال(ن)من التفكير وخطوط وهميه
ولايستمر تمجيد من مابهم تمجيد = نوايا غدر يجهل بهـا طيب النيه
قنوص الزمان الي لقي في جعبهم صيد = استباحو الديار الصيد لوكـان محميـه
لو الصيد راضي عيشته بين حد و حيد = لو اكبر اهمومه لقطه الحب و الميه
ويبقى حضيض ان مد في عمره المديد = لو اجمل حياته بالديار الخلاويه
تشيد القطون وبعد ماض الزمان تعيد = وتبقى معالم كنها اليوم مبنيه
ولو جمعت الفضه مع اللول و الحديد = نهايه نتيجـه تحـت صفريـن بالميه
حياة السعاده ماتساوم بكم اتزيد = وحياة المجازف من شموخ (ن) لمهويه
لكن بيع جمله خير من بيعـة التفريـد = الياصارت البيعه على العز مبنيه

مــــــسـند العويمـــري

الموضوع الأصلي: نهايه هرم شامخ | | الكاتب: مسندالعويمري | | المصدر: شبكة بني عبس

[محمد الراشد]

نص شامخ لايشبه الا ياتي من رجل شامخ

تحياتي لكـ

[أمـــير بـكلمتي]

قصيدهى جزله الله يبيض وجهك عليها يامسند

[نواف بن مفضي]

قصيده شامخه كاشموخ صاحبها ولاهي غريبه من شاعر متمكن مثل مسند العويمري
صح الله السانك وبيض الله وجهك وتستاهل الختم

[مسندالعويمري]

اقتباس من مشاركة محمد الراشد نص شامخ لايشبه الا ياتي من رجل شامخ تحياتي لكـ

محمد الراشد

النص وصاحبه يتشرف بحضورك المشرف

لاهنت

[نافع المظيبري]

صح لســـ ــانكــ

قصيدة جزله مشكور

وصح لسانكـ مره اخرى

[مداروفلك]

صح اللسانك

وبيض الله وجهك

لو تصحح الأخطاء الأملائيه

[البعيد الهادي]

ابو خاالد
صاحب الفرائد المبهمه والجزله
مسند فك الشفره هههههه انا افهم الشعر لكن ماني بشااعر
بس بيووت مسند استمتع بها ولكن صعب عليه ان افهما
ابو خالد صح اللسانك وتعلا شانك
على هذه القصيده الجزله .
انت في كل جديد جزل ومبهر
ودمت مبدع ياابو خاالد