[يوسف الصامل]

سلام الله علي اللي نجتمع لاجله وله نشتـاق ونطـرب ونتفاخـر لتعنينـا علـي شـانـه

ولد خالد جمع حنكه وتفكير وكـرم واخـلاق ورثها كلها مـن راس ابـوه وروس جدانـه

حــبـــيـــب الـــعـــازمـــي

هلا يامرحبا في المجلس اللي بالعرب ماضاق وحسب الامر مـن راعيـه ماتنصـك بيبانـه

هل التوحيد وملوك الجزيـره والعلـم خفـاق وهذا موطن اللـي يكـرم ضيوفـه وجيرانـه

فــــــــلاح الـــقـــرقـــاح

نوينا نلفت انظار الرجـال ونكشـف الاوراق ولايمكن نجيب الهرجـه اللـي مالهـا خانـه

بعض الاحيان مانقدر نسـدد راتـب السـواق وبعض الاحيان نضحك بالوحش لشر جنحانه

حــبـــيـــب الـــعـــازمـــي

تبي تطلع عليك الشمس وانته ماثنيت السـاق ولا للحرب ياشاعـر عبيـده غيـر فرسانـه

ولا ياموسـع الدنـيـا ولا يامكـثـر الارزاق وبعض الناس يطغى لين ظلمه يقطع لسانـه

فــــــــلاح الـــقـــرقـــاح

مسافات الزمن بعيد وظروف الحيـاه ارهـاق ولايرزق عبيـده غيـر رب البيـت سبحانـه

ياشاعر راح عمرك وانـت يافتـاح يـارزاق ولكـن الـبـلا لـواجـه الـديـان ديـانـه

حــبـــيـــب الـــعـــازمـــي

تصيب البندق العوجاء لجاها الرامي التفـاق ياحظ اللي يشب النار مـن زنـده وصوانـه

من اول مشلح الطرقي يدور الحول في المعلاق لكن اليـوم لاينـزل ولايطلـع عـن امتانـه

فــــــــلاح الـــقـــرقـــاح

راع الدكان اذاكانه مايعرفـه لعبـه الاسـواق يصدون الزبايـن عنـه ليـن يصـك دكانـه

بعيرك راح من ديـره لديـره يتبـع البـراق ولكـن ياحبيـب رجـع بعيـرك لمرحـانـه

حــبـــيـــب الـــعـــازمـــي

انا كم قلت لك مالي دخل في الموس والحلاق عسي الحلاق يرجع حد موسه فـوق لحيانـه

بعيري يوم راح الله جعل قدمـه ثـلاث نيـاق وانا مانـي بقائـل رحلتـه مامسـت بطانـه

فــــــــلاح الـــقـــرقـــاح

قليل الحظ لجاء يبغي الماء قالوا المـاء راق وعـود والظمـاء بيـن بلعومـه وشريانـه

بعيرك في الطريق الصعب لايحـدا ولاينسـاق ولكـن جبرتـه ليـن جـات الناقـه اوزانـه

حــبـــيـــب الـــعـــازمـــي

يقولون الحـلال لتسلـل فيـه سلـك دقـاق مثل قصر قديـم وقضـت الاريـاح جدرانـه

تراها سنه الخلاق ترضـي معشـر العشـاق مدام ان الجمل موجـود والسلطـان سلطانـه

الموضوع الأصلي: محاوره شعريه بين الشاعرين فلاح القرقاح القحطاني وحبيب العازمي العتيبي | | الكاتب: يوسف الصامل | | المصدر: شبكة بني عبس

[ناصر الخياري]

تسلم يابو نايف رائع طاروق رائع ..
تقبل مروري ..

[العاقل]

بيض الله وجهك ع المحاوره

[مداروفلك]

تسلم على هذا النقل الرائع

[يوسف الصامل]

الله بعطيكم العافيه على التفاعل

[ابو بيان]

محاوره جزله بين عمالقه المحاوره المبدعين القرقاح وحبيب العازمي احسنت الاختيار وتقبل مرروي اخوك ابو بيان