[نايف ابن عليثه]

الشك قاسي ولا اقسى منه غير اليقين

والصمت ليله تجيب وجيه غيابها


والبعد واحاسيس المحب السجين

والناس تجهل خفايا الناس ومصابها



شاعر ولي فكر وشعور وعقل رزين

ولا اخطى الخطوه إلا حاسب احسابها



ماقد شكيت الغرآم ولا الصواب المكين

الابعد غيبة اللي حرت بعتابها



يامركب الذكريات وياحصاد السنين

العمر مره وضاع العمر باسبابها




وش عاد باقي من ايام الغلا والحنين

غير الطواري وضيقة صدر يشقابها


متى على الله يرد الوقت والا يحين

موعد لقاها وتفتح للصول بابها




راحت وعذر الغلا شك عذر سمين

ياليت درب خذاها للجفا جابها



زرعت في قلبي ذاكرتي لها دمعتين

دمعة لقاها والا خرى دمعت اغيابها



مافرجت ذكريات الحب ضيق الحزين

ولا يسر المشاعر جفوة احبابها




الحب دمعه تراود محجر العاشقين

ما دونها الا عيون رفة اهدابها




والشمس عيت على صحرا المحبه تبين

لين اكتسب هالسواد وصار جلبابها



وجه الليالي عبوس وطاري البعد شين

متى يرد النهار اللي تسمابها



الله على جملة احزان الموادع يعين

لاضاق صدر الليال وشح ترحابها


الجرح يقسى على حدب الضلوع ويلين

واقفت سنين الغرام وشدت اركابها




علقتها بين ضلعين الشعور الدفين

وكتبت فيها القصيده اللي تغنابها


ماهو مهم اكسب اعجاب ورضا المعجبين

يكفيني اني بشعري كاسب اعجابها

الموضوع الأصلي: شاعر ولي فكر وشعور وعقل رزين@@ولا اخطى الخطوه إلا حاسب احسابها | | الكاتب: نايف ابن عليثه | | المصدر: شبكة بني عبس

[ابوشوشه]

قصيده قمه الروعه

صح لسانك اخوي

[محمد خميلي]

بسم الله الرحمن الرحيم
اشكرك على تقديم القصيدة

واتمنا لك التقدم من الافضل إلى للأفضل

صح الساانك

[سيد الغنادير]

لا هنت اخوي نايف على القصيده الروووعه

وتقبل مروري :):)

[نايف ابن عليثه]

اقتباس من مشاركة ابوشوشه قصيده قمه الروعه صح لسانك اخوي

الأروع وجودك هنآ ..

لآهنتـــ ..

[نايف ابن عليثه]

اقتباس من مشاركة محمد خميلي بسم الله الرحمن الرحيم اشكرك على تقديم القصيدة واتمنا لك التقدم من الافضل إلى للأفضل صح الساانك

الشكر لوجودك ..

لآعدمنآك ..

[رعبوبة]

روووعــآآإإآآآ.. لآهنــت نآآآيف ع هالقصيدة القمــة..
وانـت ذووق وماتجيبلنآ غير الذوووووق..
شكرآآ لكـ

[العبسي الغامض]

ابن عليثه

قصيده روعه وجاده ولها موقف

وانت لها عندك الشي الكثير

عسى ان تفهم وتطبق القصيده



^_^