[الشاطئ المهجور]

السلام عليكم ورحمة الله وبركاته

قصيدة الشاعر/ محمد بن شردوق رحمه الله واسكنه فسيح جناته

القصيده تعبر عن البعد عن الوطن والاهل

ياراكب اللي مع هل البـر معـدوم=ولابسماء يوجـد ولا فـي المدينـه
مفصلاً بقيـاس والـزود مقسـوم=وياضن بالـي انـه بعـد وازنينـه
صنعة نبيناً لاهـل الديـن مفهـوم=وكـل المشايـخ بالكتـب شايفينـه
والغطو ماينفـع والاتنفـع علـوم=ياجهـلاً باسمـه تراهـا سفيـنـه
تمشي بنا في وسط الامواج وتحـوم=وان زادت المائـه تزايـد رطيـنـه
وان صار موجات البحر جالها ردوم=مثـل الجبـال العاليـه مصادمينـه
قمنا نتناخـا والـردي عجرلايقـوم=من خوف لاتطفي علينـا المكينـه
وماقدر المولى على العبد مقسـوم=لوكـان فـي صنـدوق ومقفلينـه
في دار من فيها اطقم تبـي رسـوم=وحنـا عـرب مانفتهـم لرطيـنـه
وانا اشهداً فرقا الجماعه بها هضوم=البعـد مثـل المـوت ياعارفيـنـه
واحالي اللي كنهـا حـال مسمـوم=جاها الضعف من عقب ماهي سمينه
نش اللحم واللي بقا الجلـد وهـدوم=وشكي على محي العظـام الرهينـه
وياالله يالي لـه الفـرض والصـوم=ياواحـداً ماخبـر عنـدي وزيـنـه
افرج لعبـداً بـات باليـل مهمـوم=ولطف بحالـه قـدم بيحـة كنينـه
ولطف لنفساً ماتبـي كـل مطعـوم=قامـت تعـاف الـزاد لمصلحينـه
ويامل عينـاً ماتبـي لـذت النـوم=تمسي وتصبح في غضبهـا حزينـه
ويامل قلبـاً ماشقـاء بـام كلثـوم=والاهيضه حـس الـروادي وزينـه
ماهمه إلاٌ كـل مـازل مـن يـوم=قام يتفطن وش بقاء مـن سنينـه
واخر سنينه تنتهـي باخـر التـوم=ولا رايحـاً يطلـب ولا طالبيـنـه
وياهيـه يامترحلينـاً علـى كـوم=جــواب لبراهـيـم ياواصليـنـه
قولو محمدفوقـه الحمـل مـردوم=وحكومتـه عـن السفـر مانعينـه
وإلاٌ بخير وعافيـه مابـه هظـوم=اللـي مضاويـوم ننـا خابريـنـه
وشكراًعلى ذلك لكـم دائـم الـدوم=وانتـم هـل المعـروف يافاعلينـه
وصلاة ربـي عـد الايـام وغيـوم=صلـوا علـى المختـار ياتابعينـه

الشاعر ابن شردوق رحمه الله

الموضوع الأصلي: ويامل قلباً ماشقاء بام كلثوم:لشاعر ابن شردوق | | الكاتب: الشاطئ المهجور | | المصدر: شبكة بني عبس

[نوماس5]

صح لسأأأأأأأأأأأأأأأأأأأأأأنك يسلمؤؤ علي النقل المميز

[الشاطئ المهجور]

هلابك اخوي نوماااااااااس5
يا الله تحييه مرورك شرف لي
اخي العزيز
لك مني اجمل التحايا

[مزيون1]

صح لسانك وفالك البيرق

[مسندالعويمري]

ويامل قلبـاً ماشقـاء بـام كلثـوموالاهيضه حس الـروادي وزينـه ماهمه إلاٌ كـل مـازل مـن يـومقام يتفطن وش بقاء مـن سنينـه واخر سنينه تنتهـي باخـر التـومولا رايحـاً يطلـب ولا طالبيـنـه

رحم الله الشاعر الكبير محمد بن شردوق رحمتن واسعه

وشكرن ابو عبد العزيز على نقل هذي القصيده التي كنت ابحث عنه ويبحث عنه الكثير

واسمحلي بتثبيتها

[البعيد الهادي]

رحمك الله رحمة واسعه واسكنك فسيح جناااته يااصااحب
هذه الفرائد الجزله
بني رشيد فقد واحد من اعلامها ومؤرخيها . ولكن مانقول
إلا الحمد لله على قضاءه وقدره
وباارك الله فيك ياابو عبد العزيز
على هذا النقل
وننتطلع للمزيد لمثل هذه الكنوز
ودمت بحفظ الله

[الرشـ بنت ـايده]

درر راعة وابيات في قمة الروووعة

لا هنت يالغالي على النقل الرائع ,’,,’

[شموخ الاصايل]