[أحمد الشختلي]

بسم الله الرحمن الرحيم


السلام عليكم ورحمة الله وبركاته

يسعدني ويشرفني أن أقدم لكم قصيدتي وهي بعنوان

(( عشقتها والعشق))

مع اداء راعي الصوت الجميل فرج ابن سحمي الكدادي الهاجري

المقطع على هذا الرابط

×
×

لاتبعدوني يا عرب من هواها=هي غايتي بالحب تكفون تكفون
لو غابت الليله اروح معاها=مالي ابد عيشه بلاها وتدرون
هي علتي صارت وابغى دواها=ولا يداويني من الناس مليون
قلبي غدى عالق بعالي سماها=من زود حبي والغلا صرت في كون
سبحان من سوى وصور حلاها=سبحان ربي يوم كحل ذالعيون
من حبها من زينها من حياها=عشقتها والعشق داين ومديون
في وسط قلبي عالي(ن) مستواها=وبوسط روحي بيتها دوم مضمون
تامر وتنهاني وكلي فداها=لو تطلب عيوني لها ما يوفون
ارخص جميع الناس وأكسب رضاها=ماهمني كل العرب لو يضيقون
واللي عليها لامني يا عساها=تضيق به دنياه ويصير محزون
ودي اعيش اليوم وحدي معاها=ولا تقولولي يالاجواد وشلون

وسلامة الجميع.

الموضوع الأصلي: شيلة عشقتها والعشق | | الكاتب: أحمد الشختلي | | المصدر: شبكة بني عبس

[ذيبان الرشيدي]

الله الله
درك
يالشختلي

نص باهر .. وللالباب ساحر

سلمت على مانظمت
من
درر تُبهر .. وتجذب القارىء

ولاهان
ذيب الهواجر
على الشيله الحميله

تُختم

دمت
بخير وعافيه

[محمد2009]

صح الله لسانك
وشيله مميز الله يعطيك العافيه

[أحمد الشختلي]

تشكر على المرور الراقي اخوي ذيبان الرشيدي وتشرفت في مشاركتك

ولاهنت على الختم وعساك على القوه ونورت الصفحه في طلتك . .

تحياتي وتقديري.

[أحمد الشختلي]

محمد

صح الله السانك وشاكر للمرور الراقي

تحياتي لك وتقديري.

[حمود البراهيم]

صح الله لسانك
وشيله مميز الله يعطيك العافيه

[رماد الشوق]

صح لسانكــ
كلمات وحروف في قمة الرقي
شاكر لكـ

[أحمد الشختلي]

حمود البراهيم

صح الله بدنك وشاكر للمرور ونورت الصفحه

تحياتي لك وتقديري.