[سعد محمد]

السلام عليكم ورحمه الله وبركاته ...


لكل محبين الشاعر الكبير شاعر المليون // محمد بن فطيس المري ، حصّلت لكم قصيده واعجبتني ، واهديكم اياها...لك محبينة .

اترككم مع القصيده .





،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي




تحياتي لكم ’’’

الموضوع الأصلي: قصيده الشاعر بن فطيس ( سولفوا ) | | الكاتب: سعد محمد | | المصدر: شبكة بني عبس

[زهو الايام]

صح السان ابن فطيس ..
وتسلم على هالذوووق المميز

[سعد محمد]

صح بدنك نيابتآ عن الشاعر .
ولاهنتي ياالغلا على الحضور الجميل

[فهيد الشويلعي]

صح السان ابن فطيس وصح السان ناقلها ..
وتسلم على هالذوووق المميز

[أثير الشوق]

صح لسان بن فطيس
شكرا لك على النقل الجميل

[The monsoon]

صح السان ابن فطيس وصح السان ناقلها ..
وتسلم على هالذوووق المميز

[العنكبوت K]

يعطيك العاااااااااااافية

[سعد محمد]

الله يعافيك على حضورك الجميل .