[صالح العمران]

بسم الله الرحمن الرحيم

السلام عليكم ورحمة الله وبركاته

اما بعد...,

هذه قصيده للشاعر/ خـالد عمران الرشيدي



البارحة مع شقت الفجر سويت
فنجال بنن بالدلال النظافي

فنجال بنن جاء على ما تمنيت
الماء قراحٍ واشقر البن صافي

اخذت باليمنى الصغيٌر وصبٌيت
فنجال ما احلا شفته بالاشافي

اغدا عماس الراس من حين شفٌيت
لا شك ما يغدي جروحن خوافي

تبيٌحت من يوم يانجر دنٌيت
واسند عليك اليوم يانجر قافي

يا نجر يانجرالكرم واهل الصٌيت
عقب الكرم تذرا عليك السوافي

مع التراث امخزن البيت حطٌِيت
مالك مقامن بالحضاره يشافي

ليا خوي الشيخ في رفٌة البيت
شيخن كريمن بالمواجيب وافي

شيخن يقول لخاطر الليل حييت
يفرح اليا جوه النشاما ملافي

قلٌط عليك المطحنة وانت خِلٌيت
خِلٌيت ياراع الجمايل اخلافي

خليت ماتبكي زمانك ولاابكيت
اقفا زمانك مع زماني وطافي

يانجر فارقت البداوة وخَلٌيت
اهل البيوت مشيٌدين الرفافي

ياما بصوتك للمعازيب دلٌيت
يوم ان بعض الناس بالنوم غافي

على دنينك تالي الليل حلَيت
قنيب ذيبٍ بالسنين العجافي

جرالعوى عقب القوى والحتاحيت
بارضٍ خلا غير السباع الهجافي

ذيبٍ فضاه الصبح بارضٍ سباريت
فات العشاء ماشاف وايٌس وعافي

اعوي عواه ومثله اليوم جريت
صوتن مثل صوته ليا ادلج وحافي

على زمانٍ فات يانجر لجيت
لولاي أدله خاطري بالقوافي

يا نجر أنا وياك ياما تخاويت
والليل جلبابه على الناس ضافي

حطيت لي حزمه حطب ثم شبٌيت
نارٍ سناها ليلة البرد دافي

واركيت للبيض الثلاث وتقهويت
مرتاح بالي ما على الله خافي

هاك الليالي حلوهن ما تناسيت
بالخير مذكورات لوهن مقافي

ما يرجع اللي فات لو قلت ياليت
ياليت مهما قلت ماهو بكافي

ودمتم برعاية الله وسلامتكم

الموضوع الأصلي: النجر والوقت الحالي | | الكاتب: صالح العمران | | المصدر: شبكة بني عبس

[سيف المهيمزي]

صح لسان الشاعر ومشكور على النقل لاهنت

[ابن سعيد]

صح لساااااااااااااااان

الشاعر / خالد عمران الرشيدي

ومشكور على النقل

وتقبل مروري

[كاتب الرشيدي]

تنقل لعيون الشعر
مكانها
وصح لسن شاعرها

ولاهنت ياصالح على النقل

[محمد الراشد]

صح اسان شاعرها
تحياتي

[فهيد الشويلعي]

صح اللسان شاعرها

[(ابوعواض)]

صح اللسان شاعرها وسسلم ناقله ا

[&سقرآط]

سلمت يداكـ اخي الكريم على هذا النقل