[ابوذكرى]

صبــــــاح // مســــاء النور والسرور

صــــراحه انا قريت القصه والقصيده في منتدى اخر واعجبتني مره وحبيت انزلها لكم

وانشالله يارب تنال اعجابكم زي مانالت اعجابي

واخليكم مع القصه والقصيده

البيت المشهور لمسلط بن شعيفان ابو اثنين السبيعي

... وهو اقرب صديق للوليد بن طلال الامير هو من قال له انت مهبول وليس الاصدقاء اللي معهم .. قصة هذه الابيات هو انهم كاانوا مجتمعين فسأل الوليد بن طلال مسلط من اطيب جدك ولا جدي ومن المعروف ان سبيع لهم دور كبير في فتح الرياااض .. رد عليه بن شعيفان وقاال جدك ونعم فيه لكن مارساه على الحكم الا جداااني.. بعدهاا زعل الوليد وقاال انت مهبووول وضجره في الكلالام .. بعدهاا زعل مسلط وارسله هالابياات ومااكان من الوليد الا ان ارجعه مع مبلغ كبير من المااال .. وهذه هي القصه الحقيقيه...

وهذي الابياااات بالضبط :




يا أمير أنا عندك حشيم وغالـي
ولا احب انا شئ يمس الكرامـه
نفسي تروم المرجله والعوالـي
هذا هدف نفسي وهـذا مرامـه
تاجرت في باب الشكاله بمالـي
بعت الرخامه وأشتريت القرامه
قال مهبـول وجايزلـي هبالـي
هبال طيب ولا صحاوة رخامـه
هذي تفاصيلي وهذي خصالـي
يقول اللي ما زهد فـي كلامـه
أن جزت لك فأنا الرفيق الموالي
وأن عفتني مسموح ومع السلامه
دور وتلقالـك رفيـق بـدالـي
وكل يبي رفقتك ترفـع مقامـه


وبالنسبه لضيدان نعم جارا هالقصيده وكان يقول ان هالبيت اصلا لي مو لمسلط بس انه خطفه من خياالي لست حافظه القصيده ولكن حافظه منها ::





وليت يا مسلـط كريـم السبالـي
من هول بيتٍ يستحـق الزعامـه

بيتٍ تمنيتـه وهـو مـا ينالـي
ودامه خطف قبلي فلا لي ملامـه

انا اتهم انه خاطفه مـن خيالـي
في غفله قلبي غرق فـي منامـه

لو كان وقتـي غرنـي عزتالـي
وغديت طير وهو الشبك والحمامه

وقت ٍ على كسابه الطيـب مالـي
يلعب بشيخان العرب لعب دامـه

من اول تذرى خشـوم الجبالـي
واليوم يغني عن ذرا الضلع خامه

ومع كل ذا ما جمعـت الريالـي
ويهون موتي دون جرح الكرامه

واجود باليمنى وتجهـل شمالـي
وهبال مسلط يعطي الراس زعامه

حي مهبول صامـل مـا يبالـي
ولا صاحي وقت الشدايد هلامـه

الشعر بنت لبـو زيـد الهلالـي
وبيت مسلط يلوح بخدها كنه شامه

انأ اتهم انه ماخـذه مـن منامـي
في لحظه قلبي غرق في منامـه

وسلااااامتكم

انتظر ردوودكم الي تضيف الموضوع جمااااالا

ودي~~

الموضوع الأصلي: قالو هبيل وقلت جايز لي هباله | | الكاتب: ابوذكرى | | المصدر: شبكة بني عبس

[وسام عبس]

صح لسانك حتى الرضى

قصيده قبلت هام السماء بروعتها

كل الشكر لسمو حرفك

تحيتي ~

[ابوذكرى]

طلتك اروع وتحيى كل سنه بالفرح والسعاااده