[نوماس5]

سلة أوجاعي

وجع حب ..وجع خوف ..وجع شوق ..وجع ضيقه
على كيفــــك وهاك أختار هذي سلة أوجاعي
غـــلا وأسمع نزيف الجرح كلام الصمت ما أطيقه
أنا محتاج أسولف لك ..عن أول وآخر أوضاعي
وأبد ... لا يجرحك صوتي ... حياة الطير تحليقه
عليك الله تصير الكون.. والمسباق.. والداعي
أنا أصدق طير بالدنيا .... عشــق حتى مسابيقه
ولا كن .... بديت أذكر معك .... أيام مرباعي
تعال أفتح كفوفك حلم .... أمـوت بيوم تحقيقه
تعال أرسم بحور العشـق وأكسر لو تبي شراعي
أبي غيــــم سرق ربعي .... وذللــهم بتشويقه
أكون أول بشر مجنون ..يزوره بالعطش قاعي
حتى لــــو وهم تكفى .... أبتـــــوهم بتصديقه
أبي ذات أبـــي مـــــولد يوازي صــرخة الناعي
أحس بداخلي عالم .... حــــرام أقتل مــــخاليقه
حـــرام أسكت وأنا صوتي نثرته وجه لا تباعي
يا أول قلب .. يبكيني .. وتبكيني .. مـــواثيقه
أنا اطباعي مهي زينه ولا كــــن هذي أطباعي
تغربني قوافي الموت .... وأقـول العمر تشريقه
أعيش بشبه غيبوبة وأعرف أن الزمن واعي
أكمل لك..وجع خوف..وجع شوق ..وجع ضيقه
على كيفك ... ترتبني حلالك ... كل أوجاعي




ظماي أنت

ظماي أنت ومن يعشق ظماه ..غيري
جروحي أنت ومن يكره دواه .. غيري
أسقني لو ما ارتويت .. داوني لو ما شكيت
ما هقيت .. أني أعطش في حياتي .. لغيرك أنت
ما دريت .. أن مابه أغلا منك .. إلا أنت
ما تصور .. أن عيني مره تغفى وما أشوفك
ما تصور .. لو يطول الصمت وما أسمع حروفك
تدري إحساسي بخوفك هو أماني
لما تسأل عني ليلة عن مكاني
ما تصور .. كيف تحرقني الثواني
شمعه في ليل انتظارك
يا للي يسبقني زماني .. من عطش ليلي لنهارك
عطني موعد .. وانسى موعد .. بس لاتهجر وتبعد
يا ظماء قلبي لقلبي ..
وغربة عيوني عن عيوني
وينك أنت ..؟؟
يا ترى الليلة في صدري .. لا .. في جفني .. لا
في الشعور اللي خطفني .. دار بي الدنيا وعوّد
وينك أنت ..؟؟
آه .. آه .. لو تدري بشوقي





الإنسان

أنا إنسان مع نفسي قبل لا كون معاك إنسان
ولي مبدأ.. ولي نظره .. وتحكمني قناعاتي
أحاسيسي حقيقة ثابتة في الوصل والهجران
أنا طبعي إذا حبيت .... أحب بكل حالاتي
ولا أجامل باحاسيسي ولا أقبل في الهوى أحسان
ولا للمصلحة يا سيدي .... دور بعلاقاتي
أحب الصدق وأعمل به كسبت أو كنت أنا الخسران
ولو صدقي يخسرني .... تشرفني خساراتي
على كثر الخطا غافر ولا أغفر غلطة الخوان
جزاه الصد .. والفرقــا ولو عاندت رغباتي
ولو ينسى زماني ما نسيت الشوق والخلان
رفيق العمر لو يقسى .... معاناته معاناتي
هلابك يا أصدق شعور دخل قلبي بلا أستاذان
هلا يالنصيب اللي نثــر وجهه على أو قاتي
أحبك والهوى نعمه وحبك نعمة الرحمن
ولو كان الهوى غلطه .. فحبك كل غلطاتي

الموضوع الأصلي: قصائد شعرية..... عن الوداع وجمر الوداع | | الكاتب: نوماس5 | | المصدر: شبكة بني عبس

[عادل بن هون]

يارائع ويكفيك شرالفراق

[روز]

ابيات رائعه
سلمت

[• طہَإلً انتہَظہَ‘ـٍَ_ـاريَ•]

رائعه الابيات

[نوماس5]

اقتباس من مشاركة عادل بن هون يارائع ويكفيك شرالفراق

الاروع توجتك امين منووووووووووور

[نوماس5]

اقتباس من مشاركة روز ابيات رائعه سلمت

الاروع توجتك العفوو منوووووووووووور

[نوماس5]

اقتباس من مشاركة سلمان الشويلعي رائعه الابيات

الاروع توجتك منووووووووووووووووووووووووووووووووووووور

[النمر1012]

الروعه اليعطيك العافيه يالنوماس وتقبل مروري