[عبدالرحمن هليل]

ياعبس لوتزعلون اليوم مع بكره-علي لوتزعلون سنين ودنيني
لوانحرم منتداكم واشتكي هجره-ولو تفرضون العقوبه والقوانيني
بافعالكم بفتخر وابعلن الشهره-والله لاعلن غلاكم يامغاليني
في مدحكم باتعزل دام لي قدره-هوليه لاوالله الا بعديمديني
لوالقلم بالكتابه شح في حبره-لملاه من دم قلبي والشراييني
والقاف لو ماوزن والله لعسره-لو هاجسي كل حضرت الشياطيني
اليا زهمت القريحه جات منتثره-تقول لعيون عبس الشعر يدعيني
لاخير في شاعرن مايخدمه شعره-ولاخير في فعل مادونه براهيني
شاعر ودرب المراجل رجلي تعبره-مع لابتي عبس ماريحت رجليني
لياانتخوبي لهم طوحت بالغتره-وسليت سيفي وصديت المعاديني
سوى سوى لابغينا الدرب والمسره-والراي للي عليه الراي معطيني
نمشي على خطته ونطيع له امره-نسري ليامن غدى الليل ليليني
تاريخنا باقين بين العرب ذكره-نمشي على طبعناباقين للحيني
نوفي حقوق الرجال ونحفظ العشره-للضيف والجار نضحك بالحجاجيني
وان بان عيبه وطالعنا على غدره-نكحل له العين ونقص الجناحيني
واليوم كلن بامان وسكنن قصره-في ظل ابومتعب اخوان وقريبيني
الله يديم الامان ويضفي بستره-ويخيب اللي يخون العهد والديني
واحفظ ملكنا يارب وطول بعمره-اللي للاسلام خادم والحرميني
ويرجع ولي العهد ويطيب من شره-حيثه تكفل بخيره للمعاقيني
طول غيابه وقام الشعب ينتظره-ترقب رجوعه من الشعب الملاييني
ونايف وسلمان عين الشعب تعتبره-بالشرع تحكم واهل للعطف والليني
وعسى لعبدالعزيز العود في قبره-روض خضر فيه من وصف البساتيني
عساه جار النبي ويذوق من نهره-يلي سمعتوا دعايه قولواآ ميني
بالله وش رائكم ياعبس بالفكره-تقبلوا ماكتبته بالدواويني

الموضوع الأصلي: ياعبس لو تزعلون | | الكاتب: عبدالرحمن هليل | | المصدر: شبكة بني عبس

[عادل بن هون]

رووعه قصيدتك والاروع العنوان

[نوماس5]

صح لساااااااااااااااااااانك يلولد عبس يسلموو علي النقل الرائع

[هامة العز]

صح اللسانك
جزله من شاعر جزل
بالتوفيق

[عبدالرحمن هليل]

تعيشون وتستاهلون