[النمر1012]

ياهاجسي دنـدن علـى دقّـه الطـار
وبوّح مـن قيفانـك أحلـى المشاعـر
واطرب هواة الشعر في كـل الاقطـار
وابقـى بعزمـك ماتهـم اي شاعـر
خليـك ربّـان القوافـي فالابـحـار
أن هلّـت ابياتـك تـهـل البشـايـر
الحين يالهاجس تـرا مابـي اعـذار
ابـاك تسمـع قصـتـي بالحـذافـر
وجّـه بموجـات التـردد والاخـبـار
ابنقـل احـداث القضـيـه مبـاشـر
بعطيـك نبـذة كاملـه بالـذي صـار
وأبـا تحاليلـك وبسـلـوب مـاهـر
البارحه جسمي مـن الضيـق منهـار
وقمـت أدخّـن فـوق هـم المسافـر
وحرقت من نيران ناريـن مـش نـار
النـار فـي جوفـي ونـار السجايـر
وطلعت ابا انسى ضيقتي وانسى الافكار
ورحت صـوب المـول وآنـا مكابـر
ومن دخلته صرت انا امشي ومحتـار
الا وشفـت البنـت صوبـي تنـاظـر
قالت هور يو قلت فايـن وأنـا مـار
لا اعطيتهـا فيسـي ولا كنـت فاكـر
خليتهـا تغلـي علـى جمـر حـرّار
ظنيتهـا تحسبنـي انسـأن تـاجـر
ياهيه انا ماعندي اسهم فـي اعمـار
ولا املـك ابـراج المدينـه وزاخـر
انـا تــرى والله مـانـي بجـبـار
علـى همومـي والعنـا دوم صابـر
شخصيتي هي راس مالـي والاشعـار
والطيـب ربـي عالـم[ن] بالسرايـر
من بعد نص الليـل اتمتـم بالاذكـار
واقـول يارحمـن ياعـفـو قــادر
جنّب عبـدك كـل مـا منّـه اضـرار
بفضـل طـه والنـسـاء والتكـاثـر
وحليلهـا ردّت علـى نغْـم الاوتـار
تبـا تبـيّـن مخفـيـات الخـواطـر
قالـت محمـد أنـت ملفـت للانظـار
ليكون يعني بالخفـا صـرت ساحـر
قلت أيه ساحر وأجعـل الغيـد تحتـار
وأرجـف قلـوب منقّشـات الاظافـر
مـدام ببياتـي تشمـيـن الازهــار
أكيد سحـر الـورد لـه فعـل دامـر
الا ودمـع عيونهـا هــلّ مــدرار
وقالت كلامـك مثـل طعـن الخناجـر
بليـز لاتفهـم غلـط يابـن الاحـرار
ماجيـت عنـدك لنّـك انسـان تاجـر
جيتك أسيرة نظرتك غصـب وأصـرار
ما اقدرت اخبّي شوق قلبـي وأكابـر
قلت السموحـه منـج مـرّة وتكـرار
انا حسبتـج بنـت تهـوى المناظـر
ومدام هـذي جيتـج شـوق باْجهـار
خذيـه قلبـي الان مـن قبـل باكـر



محمد علوي عبدالله
بوظبي

الموضوع الأصلي: بنت المول | | الكاتب: النمر1012 | | المصدر: شبكة بني عبس

[سعد عبدالله]

الله عليك
النمر
تسلم ياغالي
على النقل المميز وذوقك الراقي

[النمر1012]

الله يسلمك ياخوي مجازف وبيض الله وجهك علي المرور ومشكور اخوي

[العبسي الغامض]

مـدام ببياتـي تشمـيـن الازهــار
أكيد سحـر الـورد لـه فعـل دامـر
الا ودمـع عيونهـا هــلّ مــدرار
وقالت كلامـك مثـل طعـن الخناجـر
بليـز لاتفهـم غلـط يابـن الاحـرار
ماجيـت عنـدك لنّـك انسـان تاجـر
جيتك أسيرة نظرتك غصـب وأصـرار
ما اقدرت اخبّي شوق قلبـي وأكابـر
.....................................


مشكور يالنمر ذايقه متمرسه بالحب والابداع

<<<وينه المول هذا قام يوسوس

[النمر1012]

الله يسلمك ياخوي العبسي الغامض منورررررررر اخوي وتسلم وابديار غير اديارك لاتوسس
وسلامات مريض عسى ماشر

[(ابوعواض)]

الله عليك
النمر
تسلم ياغالي
على النقل المميز وذوقك الراقي

[النمر1012]

الله يسلمك يابو عواض وبيض الله وجهك علي المروررررررررر مشكورين

[الغريبة]

..وآآآآآآآآآآآآآآآآآآو ......~
طوووووول عمرك ذووووووووق يالنمر 1012....~
ولا تحرمنا من ابداعك ....~
تقبل مودتي ......~