[مفلح جامع النميش]

قصيدة بمناسبة زواج الشيخ منصور علي القنور

سلام ياشيخ (ن) على الوعد جيناه = جينا على شانه نسوق الرحايل
سلام وافي لاهل العين سقناه = يضفي عليكم يارجال الحمايل

سلام ياشيخ (ن) على الطيب ممشاه = عد النجوم وعد وبل المخايل
مثل الخيال اليا تداحم نثر ماه = منه اخضرت كل الفياض ومسايل

سلام ريح الهيل عنبر مصفاه = ريح الخزامى والنفل بالخمايل
حضرت جناب المحترم لاعدمناه = منصور ستر منقضات الجدايل

منصور لاعل المنايا تعداه = يدوم راع الطيب للطيب نايل
مبروك يامن يشرح الصدر طرياه = ياهل الكرم ياكاسبين الجمايل

الشيخ بن قنور والمدح يزهاه = المدح يزهى كاسبين النفايل
زيزوم قوم وتفعل الطيب يمناه = اسد غابه للحمول الثقايل

شجاع واجب بالمهمات تلقاه = واف المزايا الطيبات الجلايل
كريم يمنا كل من جاه حياه = شيخ (ن) على كل المواجيب طايل

زحزيح من روس الزحازيح مجناه = اهل الخيول المسرجات الاصايل
شيخ (ن) ولد شيخ (ن) على العز مرباه = عز(ن) خذاه من الجدود الاوايل

هذا ولد من ياقف العلم لاجاه = شيخ(ن) يقدر عند كل القبايل
علي ولد ناصر هل الهجن تنصاه = راع الفعول الطيبات الهوايل

نبذه قصيره عن هل الطيب والجاه = نسل الرجال معربين السلايل
مدحي الربعي يرفع الراس معناه = والطيب يلقى عند كل القبايل

الموضوع الأصلي: قصيدة بحفل الشيخ منصور القنور | | الكاتب: مفلح جامع النميش | | المصدر: شبكة بني عبس

[البعيد الهادي]

صح اللساان الشااعر
قصيده جزله ومن شاعر جزل
وابن قنوور يستاااهل
ودمت بحفظ الله

[كاتب الرشيدي]

صح
لسانك
واعتلا
شانك


بيض الله
وجهك

[عادل العويمري]

صح اللساان الشااعر
قصيده جزله ومن شاعر جزل

[سعدعايض]

صح لسااااااااااااانك
على القصيدة

[ذيبان الرشيدي]

الله واكبر
الله الله

نص متميز ومتفرد
اطربني
مرووري عليه
لله درك .. وبالخير سرك

سجل إعجابي
بما نظمته .. وأبديته

جزل .. جزل

ويستاهل ابن قنور كل طيبه
والمدح يزهابه

دمت
بخير وعافية