[النمر1012]

كلام الصمت مسموع الملامح يسمعه انسان
دقيق الفهم بالنظره / ويفهم ضبط حدتها


مثل ماتلمح اغلب محتوى المكتوب بالعنوان
كذلك من تشوف العين تدرك بعض غايتها


وللكلمة اثر واضح على الإنسان مهما كان
وهي مثل السفيره دورها تمثيل دولتها


تغيب الشمس وأكثّر بشكل غيابها الإمعان
والاقي للمسا نكهه فريده حين غيبتها


ويبدا من هنا أول طريق بسكة السهران
مع غياب الشفق يبدا يبيّن شكل وحشتها


مثل طول العمر منوه ، ومن عاش ارذله خسران
دروب وتنتهي حتى ولو طالت مسافتها


من يزور البحر عطشان يموت من البحر عطشان
وجيوش ٍ ما مشت من جوعها تمشي بعقيدتها


وقلبك ينسكن غصب ٍ عليك ودونما استئذان
مع انه اكثر الأشياء بلاغه في خطورتها


وانا وياك يا انتاج النحل يالمترف الفتان
تناقشنا بهالأشيا وفلسفنا دراستها


نناقش حين هالعالم / ونناقش وضعنا احيان
ونتبادل خلال البحث بالدنيا / حلاوتها


اقول انتي عليك الحق / تقولين اني الغلطان
تقولين اني الجنه / أقول انتي ملذتها


تكابرت أصغر اوصاف الحسن قبلك وانا غلطان
وشفت اعظم وصوف الحسن عندك وش تفاهتها


يا وجه الجمع بين العطر والشهد وحكي الوجدان
يا أول من تشربت الوفا بأول محبتها


يا أصدق ملهمه منها عرفت ان الصدق الوان
يا أذكا من لمحت الطيب فطري في برائتها


سياستنا بعالمنا المصغّر ، كل شي بتقان
وقواعد (لعبة الشطرنج) أكبر من مساحتها


ويتفاجأ من يدور علينا الحكم والسلطان
بأن الحكم يعني موتت (الإكه) ب (تسعتها)


وتشرق شمس وأكثّر بشكل شروقها الإمعان
والاقي للفجر نكهه فريده قبل طلعتها



ماجد الحسن الرويلي

الموضوع الأصلي: لعبه الشطرنج | | الكاتب: النمر1012 | | المصدر: شبكة بني عبس