[محمد بن سعيد]

بسم الله الرحمن الرحيم

هذه قصيده عن الباديه/ لشاعرسعد بن بن سعيد حامد الشويلعي الرشيدي من سكان المدينه المنوره طيبه الطيبه وهو شاعر مخضرم ومعروف لاكن الاعلام مقصر في حقه 0

هموم قلبي قامت اليوم تزداد

وكثرة على فكري وضاق بمداره
نويت أروح القصرما فيه مقعاد
برضن وساع بعيد ما فيه حاره
واصير نزالن مع البدو شداد
بيتاً شعر واشد عن ها العماره
البر عندي شوفته مثل الاعياد
ليصار في وقت الربيع وخضاره
ولاشوف لمباتاً ولاشوف عداد
غير الحطب والجمر يقدح شراره
والبن هو والهيل بدلال بغداد
ومصلحه في خف دم وشطاره
وياتي مساييراً على البيت ويراد
اللي من الجيران واللي زياره
حييت بضيوفي على البن والزاد
وعلى والخروف اللي كبيراً فقاره
ودارت علوماً بينا والتنشاد
والاحداً هرج بسهم ولا بتجاره
كله عن الماضي وعن ذكر الاجداد
وصف الحلاياء بينهم بالاشاره
هذي سلوم البدو من وقت الاجداد
سلماً لهم ماهي سلوم الحضاره
وحنا بني رشيد نقدح من زناد
رجالنا فيه الحلا والمراره
هذا الصيح وفيه ما نسب الاجواد
والباديه فيها الشرف والوقاره
واليوم قام الحظ والخير يزتاد
وضفى على الشعب السعودي ستاره
بحكم السعود اللي لها الناس تنقاد
دين الرسول الي عــليــنا شعاره

وتحياتي لكم

الموضوع الأصلي: قصيدة الشاعر سعد سعيد الشويلعي الرشيدي عن الباديه | | الكاتب: محمد بن سعيد | | المصدر: شبكة بني عبس

[بدر حيي]

صح لساان الشااعر سعد الرشيدى

على هالقصيدة الراائعة

تسلم يمينك ولاهنت اخوى محمد بن سعيد ع الاختياار

[ذبحني غروركـ]

صح لساااااااااانك واعتلى شاانك الله يديمك

[محمد بن سعيد]

مشكوووووووووووووورين على مرررروركم

[ابن حتروش]

الله يعطيك الف عافيه يالغالي وعساك على القوه

[سعد عبدالله]

وحنا بني رشيد نقدح من زناد
رجالنا فيه الحلا والمراره

ابيات جزله وتستحق االقراءه
محمد سعيد سلمت يداك

[محمد بن سعيد]

مشكوورين على مروورركم الكريم

[طلال بن سعد]

يعطيك العافيه ع القصيدة