[ابو بيان]

السلام عليكم ورحمة الله وبركاته

اعجبتني هذه القصيدة واحببت مشاركتكم بها

بنت الرجال تودي العلم وتعين

وان سوت المعروف مابه غرابه

تكفين يا بنت الاجاويد تكفــــين

تكلم اللي شق قلبي صوابه

اللي غلاها اجتاح كل الشرايــين

والقلب عند الناس قام يهذابه

والعين تسهر ماتبي غيرها زين

والقلب يفرح وقت يوم يحضابه

احبها من مدح ناسن عزيزيــن

ومن كثر ماتمدح فؤادي شقابه

عشقتها من قبل لاتشوفها العين

والقلب روح معه واقفا نهابه

خبري بها مره لعبنا صغيرين

ماهمنا الا التسليه والدعابه

واليوم عمره فوق خمسه وثلاثين

وجر قلبي جر قوس الربابه

بيد حزين وكل ربعه حزينين

يجرها المسكين والحيل جابه

على الذي أسقم حياتي بجرحين

جرح الهوى والجرح الآخر عقابه

متحليه بالخلق والعلم والديــــن

وبالزين ماشافوا شبيه لجنابه

من عادتي ماحب طرد المقفيــن

مير الغلا يجبرك لوصك بابه

ابيك تشرحله بحكمه وبراهـــين.

انه كبر والعمر اقفا شـــبابه

وان العمر لاشاخ مايفيد بعديـن

كثر الحسايف آه وقت مضابه

وكلمت ياماما من يبي فراقها شين

وبيتاً بدون اطفال مثل الخرابه

ولاطحت بكره كهل والحال مسكين

من يعتنيبك من صديق وقرابه

ولا صرت بكره للخطا ما تقدين

من ياخذك باللطف عطف وحبابه

ترى الضنا والمال عند السعيدين

زينة حياة المسلمين بكتابه

والعمر يومن زين واخر ترى شين

والموت حاصل لو يطول غيابـه

يمكن يعود قاسي القلب للــــين

ويرحم محباً منكوي في عذابه

وان وافقت يابنت لاكتب دواوين

فيها قصيداً من فؤادي سحابـه

وتعيش عندي مثل حال السلاطين

تأمر وتنها مالها الا الاجــابه

وفراشها بالقلب وان ضاق بالعين

وان كان في صدري يفله رحابه

وان كان تبغى نتظر يوم يومين

والا شهر والعام ياحر مابه

ابنتظر واللي انكتبلي يبي يبين

يالله عسى الاقدار تدني اركابه

يالله بجاهك ثم جاه المصلين

تريح الملتاع من حر مابه

ابيه لو عمره وصل فوق خمسين

هذا مناة القلب حبه سطابه

هويت انا بنت العرب والشريفين

والقلب من بد المخاليق حابه

شعر الشاعر

ع.ع.ع.الخياري(ابو خالد)

منقووووووووووووووول

الموضوع الأصلي: بنت الرجال تودي العلم وتعين | | الكاتب: ابو بيان | | المصدر: شبكة بني عبس

[ذبحني غروركـ]

صح لساانك واعتلى شااانك

[ابوديما]

صح الله لسان شاعرها
ومشكور ابوبيان على النقل
لاهنت

[هامة العز]

صح لسان شاعرها
مشكور يعطيك العافيه ابو بيان
على النقل

[قف أمامك رشيديه]

أبو بيان
ربما تعجز الحروف عن تكوين الكلمات
و يعجز اللسان عن نثر
ورود الشكر لما نقلته تلك الانامل
لكن يكفي ان ادعو لك بكل الخير

[المشعل]

يعطيكـ العافيه ابو بيانـ

ابياتـ رائعهـ صحـ السانـ شاعرها

وصحـ ذوقكـ واختياركـ ولاهنتـ على النقلـ الجميلـ

تحياتي لكـ

[(ابوعواض)]

استغرب من شاعرها ليه ضيع حقه !!

ع .ع.ع. الخياري صح لسانك قصيده رائعه